C. Plinius Caelio suo salutem dicit.

Quaeris, quemadmodum in Tuscis diem aestate disponam. Evigilo, cum libuit, plerumque circa horam primam, saepe ante, tardius raro. Notarium voco et, quae formaveram, dicto. Abit rursusque revocatur rursusque dimittitur.

Ubi hora quarta vel quinta (neque enim certum dimensumque tempus est), ut dies suasit, in xystum vel cryptoporticum me confero, meditor et dicto. Paulum redormio, deinde ambulo, mox orationem Graecam Latinamve clare et intente dico. Iterum ambulo, ungor, exerceor, lavor. Cenanti mihi, si cum uxore vel paucis, liber legitur. Mox cum meis ambulo, quorum in numero sunt eruditi. Ita variis sermonibus vespera extenditur et quamquam longissimus dies cito conditur.

Venor aliquando, sed non sine pugillaribus, ut (quamvis nihil ceperim) non nihil referam. Datur et colonis, ut videtur ipsis, non satis temporis, quorum mihi agrestes querelae litteras nostras et haec urbana opera commendant.

Vale.

• Plinius beschreibt einen Tag auf seinem Landgut. Was hältst du von dieser Art der Freizeitbeschäftigung? Welche Alternativen hätte er dazu gehabt?
• Er spricht auch die Jagd an (venor aliquando) ? was unterscheidet ihn dabei von den meisten anderen Jägern?
• Wie schätzt er die Sorgen der Kleinbauern ein (agrestes querelae)? Was meint er, wenn er die urbana opera erwähnt?