C. Plinius Genitori suo salutem dicit.

Torqueor, quod discipulum optimae spei amisisti. Cuius et valetudine et morte impedita esse studia tua, quidni sciam? Nam es omnium officiorum observantissimus, et omnes, quos probas, effusissime diligis.

Me huc quoque urbana negotia persequuntur; non desunt enim, qui me iudicem aut arbitrum faciant. Accedunt querelae rusticorum, qui auribus meis post longum tempus suo iure abutuntur. Instat et necessitas agrorum locandorum, perquam molesta: adeo rarum est invenire idoneos conductores.

Quibus ex causis precario studeo, studeo tamen. Nam et scribo aliquid et lego; sed cum lego, ex comparatione sentio quam male scribam, licet tu mihi bonum animum facias, qui libellos meos de ultione Helvidi orationi Demosthenis contra Meidium confers. Cum componerem illos, habui in manibus, non ut aemularer sed tamen imitarer et sequerer, quantum aut diversitas ingeniorum maximi et minimi, aut causae dissimilitudo pateretur.

Vale.

• Plinius beschreibt seine T?tigkeit als patronus. Was geh?rt alles zu seinen Aufgaben? Welche Alternativen (Freizeit oder Beruf) hätte er dazu gehabt?
• Weshalb kann man darauf schließen, dass es den Bauern nicht gut geht? Wie profitiert Plinius davon?
• Welche Rolle spielen Literatur und Wissenschaft im Leben des Plinius?