(1) Huius ego omnia gesta non didici, sed pauca, quae narro, quattuor discipulis illius referentibus agnovi: (2) Constantino scilicet, reverentissimo valde viro, qui ei in monasterii regimine successit; (3) Valentiniano quoque, qui multis annis Lateranensi monasterio praefuit; (4) Simplicio, qui congregationem illius post eum tertius rexit; (5) Honorato etiam, qui nunc adhuc callae eius, in qua prius conversatus fuerat, praeest. | |