aenigmata

[Apollonios]

et ego consentio. quisquis nunc aenigma iucundum sciat, ponat.

[consus]

Pace vestra hoc ausim proponere aenigma:

Exstructa est columella mira quondam,
Arte quae Gothica decora surgit
Lata non procul a via locata.
Semper virginis est memor fidelis.

Quis vestrum rem explicabit?

[Zythophilus]

Te, o Conse, de textrice ad crucem posita locutum esse existimo. Columella ita nominata Vindobonae ad Viam Tergestinam sita est.
Germanice dictur "Spinnerin am Kreuz".

[consus]

Eia eia! Equidem, nisi aenigma* solvisses, optime Zythophile, summo me stupore affectum iri puto... Gratulor. Nonne dolendum quod tot hodie vehicula tenellam illam columellam quasi circumstrepunt?

___________________________________________
* http://img479.imageshack.us/img479/6672/03ne8.jpg

[Zythophilus]

Me quoque interdum uehiculo usum illam columnam circumstrepere fateor.
Ecce nouum:
Vindobonam dicunt me nocte uolare per urbem.

Maior sum; tenuis sit licet ala mihi.

Quis sum?

[consus]

Nonne, amice, papilio est cui nomen Saturnia pyri?

[Zythophilus]

Eugae! Ne papiliones quidem te fugiunt, o Conse.
Nocte uolans uescor tenerorum nectare florum

atque ornata oculis me mouet ala citum.

[Medicus domesticus]

Salvete amici,
Qua de causa vos damnavistis legem fori ad anigmata ponenda?
Lex erat bona. Exspectare aenimgma sodalis est suprema lex.
Valete, amici.

[Tiberis]

salve, o medice !

lex, ex qua is, qui aenigma solverit, ius habebit proponendi, etiamnunc valet ; tamen hanc legem ita mutandam esse censui, ut, nisi is, quem ordo vocat, intra septimanam novum aenigma proposuerit, cuilibet liceat novum ponere. id ea de causa factum est, ne qua longior mora fiat in aenigmatis continuandis. nam haud raro fit, ut infrequentissimus quisque huius fori , cum aenigma feliciter solverit, nescioqua de causa novum ponere neglegat.
sperare ausim te quoque, mi optime Medice, omnibus rebus perpensis mihi assensurum, sicuti et Consus noster et Apollonius - ceteris non renuentibus - iam fecerunt.

[Medicus domesticus]

sperare ausim te quoque, mi optime Medice, omnibus rebus perpensis mihi assensurum...

Tibi quoque assentior, mi Tiberis.
Vero plerique sodales Latini hoc in foro aenigma intra septimanam ponunt.

[Zythophilus]

Ego quoque legem ita, ut Tiberis proposuit, mutandam esse puto, nam non dubito, quin nos nulla re impediti nouum aenigma hoc in foro intra ante diem septimam ponere possimus. Si quis nescio qua de causa non poterit, certe alio pro se munere fungente aeger non erit.

[consus]

Portulam* decorant magi vetustam
Tres Iesumque colunt matremque castam.
Saxis est Gothicis opus statutum,
Nobis nunc quoque quod licet videre.

Quis vestrum aenigma solvet?

__________________________________
* Cave putes portulam esse aedis sacrae!

[Christophorus]

Fortasse requiris "Dreikönigenpförtchen" ?

http://de.wikipedia.org/wiki/Dreikönigenpförtchen

[consus]

Dignum te puto, optime Christophore, qui h. c. civitate doneris Agrippinensi.

http://de.wikipedia.org/wiki/Dreik%C3%B6nigenpf%C3%B6rtchen

[Christophorus]

iam iam da aenigmata!
tempus fugit,
nunc recedit
Sphingis eloquentia!

Carmina Longipediana?

novum:

quaeritur nomen mortui mimi et - interdum - cantoris

Non bellus erat, sed tamen feminae ei adiungere saepe volebant, et filia eius, etiam mima, femina pulcherrima erat et adhuc est.

Dux ei amicus inimicus erat ...