Nugae

[medicus]

Vulpiana?

viewtopic.php?f=18&t=43731&start=4485

[Zythophilus]

Sunt, quos oblectet plantarum mingere in ollam.

Ne latrina, alii, sit lepida olla, rogant.

[Stanislaus]

Sed scitne canis Italice legere?

[Zythophilus]

Mingere uelle canes ibi tantum credis in ollas.

Arbitror hoc etiam - crede - placere uiris.

[Zythophilus]

Vindobonae statua sapiens uir laudatur aquisque,

cui gelida unda aegris uisa salubris erat.

Si praecepta sequens puteo uis ipse lauari,

non licet his undis membra lauare tamen!

https://upload.wikimedia.org/wikipedia/ ... nzpark.jpg

[Zythophilus]

Inuenta est Sancti noua nuper epistula Pauli.

Sobria mens nobis; nouimus esse iocum.

www.lercio.it/trovate-lettere-di-san-pa ... e-italiane

[Zythophilus]

Quae Karolo quarto regi Augustoque dicata est,

tessera mendosa est: Num minor eius honor?

http://www.blesk.cz/clanek/regiony-prah ... la-iv.html

[Zythophilus]

Brunensis colitur crocodilo curia clara

nec fera, quae fuerat saeua, nocere potest,

nam siccae exuuiae pendent de fornice turris

nec quisquam metuit mortua membra uidens.

Cur me non retinet crocodilo curia culta?

Me caupona uocat - credite! - grata magis!

http://mojebrno.jecool.net/brnenskydrak.jpg

[Zythophilus]

Piscis, cum laesit mordaci bracchia fauce,

os iam non retrahit uulneraque ore premit.

Piscem morsa quatit, quatit et cum pisce lacertum,

nec piscis moriens os aperire parat.

Membra cauete auidis uobis maiora uorare,

pisces! Conueniat praeda cibusque gulae!

http://www.miamiherald.com/news/state/f ... 87552.html

[Zythophilus]

Nota satis nobis Pragensia moenia adimus,

quae miranda tenent tecta sacrasque domus.

Sunt ponti Caroli sanctorum saxea signa

stasque tacens medius, fide, iubente fide.

Cum nigra firmarit nobis ceruisia crura

et dederint uires artubus assa pigris,

rupicapris leuibus citius scandemus ad arcem -

an retinere tamen grata taberna uolet?

[Willimox]

Cum nigra firmarit nobis ceruisia crura

et dederint uires artubus assa pigris,

rupicapris leuibus citius scandemus ad arcem -

an retinere tamen grata taberna uolet?

Ingentes laudantur opes, laudantur acervi,

aurea quos cumulat divitis ora Pragae.

Zytho suis cultas illustrans artibus artes

fecit bene bibens Praginenses nugas.

Quae post emissae magna cum fruge leguntur:

Delectamenta domi cooriuntur. Vale.

[Zythophilus]

Machina, labentes quae praetereuntibus horas

indicat et soles, quaeque habet astra polus,

ad se mille uocat, cum quaeque est hora peracta:

Discipulos Domini – sunt statuae – ire uident.

Et Vitia et macra Mors uoluunt sua lignea membra;

Ecce canit gallus: Turba fidelis abit,

et coepisse nouam sonitus dum nuntiat horam,

Mors monet horribilis tempus abire fugax.

[Zythophilus]

Hoc pulchrum oppidulum petens uidebis
circum stagna lacusque leueque aequor,
ut cesses dubitare, quin in undis
multus piscis alatur atque edatur.
Cauponam petii, cibum poposci,
sperans squamigerum mihi futurum,
sed, quidquid fuerat prius natantum,
consumptum est aliisque iam uoratum.
http://www.jiznicechy.cz/cs-CZ/files/c5 ... pr-450.jpg

[Tiberis]

an retinere tamen grata taberna uolet?

Pragae cum iuvenilibus morarer
annis ,abstinuere me tabernae
ascensu. procul arce sic manebam.
mensoris* similis fui , qui ad arcem
accessum reperire - heu - nequibat.
qua re non dolui. magis iuvabat
flavo tunc Cereris frui liquore.


* cf. F. Kafka, Das Schloß

[Zythophilus]

Plena uiatorum quamuis foret, arx mihi tacta est

uerum non inii splendida tecta iugi.

Cauponas inii: Solatia parua dolenti

immemorique arcis tempora laeta mihi.