aenigmata

[Exinterator]

versio italica pentametri mihi quidem falsa esse videtur, nam turris ipsa intrantem monet se bonis (christianis fortasse) esse praesidio contra malos (scil. Turcas, inimicos), et pro tuendo ipso Tibur (obiectum) fuisse sic extructam (idest turri munitam) a Pio II. Sed etiam sic intellegi pentameter potest quasi dicat: Pius pro te, o Tibur, ita statuit. Ceterum si vestrum interest imaginem turris ipse photographice depingere intra aliquot dies possim.

[consus]

...Ceterum si vestrum interest imaginem turris ipse photographice depingere intra aliquot dies possim.

Magni hercle mea interest, optime Exinterator, videre inscriptionis imaginem arte photographica confectam. Persolvent grates et Pii manes tibi.

[Tiberis]

re iterum atque iterum perpensa persuasum mihi est TIBVR vocativum esse. nam ad quem illud "TIBI" pertinebit nisi ad oppidum ipsum? ego quidem epigramma sic ausim legere:

grata bonis, invisa malis, inimica superbis
sum. // tibi, Tibur, enim sic Pius instituit.

(die guten mögen mich, die bösen hassen mich, den hochmütigen bin ich feind.
so nämlich hat es Pius für dich, Tibur, eingerichtet/angeordnet)

[Zythophilus]

In uersione typis expressa certe forma littera e carens legitur, cum in inscriptione in turri insculta sit.
http://www.uni-mannheim.de/mateo/itali/ ... /s249.html

[Medicus domesticus]

Haec inveni in interrete:

[consus]

... turris ipsa intrantem monet se bonis ... esse praesidio ....

Exinteratori sodali litteratissimo s. p. d. C.

In quodam libro* anno MDXXXX (id est LXXX fere annis post arcem Tiburtinam exstructam) divulgato hanc distichi nostri scriptam video interpretationem:

Et in volgare questa è la sentenza, & par che parli la Rocca. Io son grata a´ buoni, inuidiata da rei & cattivi, inimica a´ superbi, ò città di Teboli così Pio ha ordinato.

De qua interpretatione tu quid sentias velim resciscere.

Vale.
_____________________________________________
* Supplemento delle croniche &c., Venetia MDXL, pag. CXLV.

[consus]

Gratias tibi ago, o Medice domestice, quod inscriptionis photographema feliciter repperisti. Qua imagine considerata hanc adhibendam esse censeo coniecturam:
Inscriptionis verba nego diligenter a lapicida per tabulam marmoream disposita esse. Videtur Latini sermonis imperitus fuisse. Quid ergo mirum si in scribendo quoque lapsus est? Verbis TIBVR ENIM lectis lapidarium nostrum ut virum Italum cui municipii nomen Italicum Tibure ante oculos obversabatur puto E litteram falso addidisse nomini TIBVR. Est ergo 'error sculptoris' ut Tiberis iam scripsit.
Ut finem faciam: persuasum mihi est hanc disputationem gaudio esse Pii II papae manibus.

[Exinterator]

exin. conso salutem quam plurimam dicit
haec interpretatio verbum "tibi" de medio tollit sed Tibur pro vocativo, recte ut opinor, esse vult; hinc patet verbum tibi ad Tibur referendum esse. Quoad attinet ad litteram "e", puto eam e verbo sequenti enim ortam fuisse, ut ipse notasti, aut sculptorem spatium in lapide ad scalpendum sibi relictum male perpendisse, aut denique Pium II pretium pro lapide non solvisse et hoc modo sculptorem sibi vindicias quaesisse.

[consus]

Exinterator, nuntio docto tuo
Fecisti finem quaestioni: Gratias!

[consus]

Cur, Bilibalde, taces? Sphingis vestigia saevae

Nonne sequenda tibi sunt? Age! Nulla mora est.

[Christophorus]

Cur, Bilibalde, taces? Sphingis vestigia saevae

Nonne sequenda tibi sunt? Age! Nulla mora est.

Sed spatium septimanae nondum exactum est.

[consus]

...Sed spatium septimanae nondum exactum est.

Recte quidem mones, optime Christophore, sed impatientia quadam adductus incitamentum non inutile esse putabam, ignosce quaeso!

[Willimox]

Agedum,

Bilibaldus sodalibus illustratissimis, fidis, veteribus, sagacissimis salutem plurimam dicit - humilius et sero salutans (comparativus modificans, BS § 30,2), cum Tiberi - ut iam scripsi - coronam aenigmatis soluti recte tradendam esse putem..

Attamen, non iam credo ullam moram faciendam esse, quin optatum proponam.

Quaeritur sententia amphibolia et ambiguitate dramatica plena, denotans - ut mihi videtur - simul "manus sibi afferre" et "suam vitam vivere". Haec sententia oscillans inveniri potest in carmine sonante, quod latens abditum est in maiore claroque opere dramatis personas oculis et auribus nostris praebente...

Quae sententia et quod opus clarum?

Valete!

[Christophorus]

Certe erro :

Carmen "My heart will go on" in pellicula "Titanic" ... ?

[Willimox]

Salve, strenue sodalis!
Illud "carmen sonans " est species philologis nota generis lyrici.
Bene vertas!