aenigmata

[consus]

Consus Medico domestico s. p. d.
Nisi errore ducor, aenigma puto esse de puteo medio in foro municipii Berchtesgaden sito. Cives gratiam habent Ludovico I Bavariae regi.
Vale.

[Medicus domesticus]

Ita est, Conse. Puteus clarus mea in patria abs te recte inventus est. Gratulor!

[consus]

Iter complurium dierum ingressus, amici, disiungor nunc a rete. Quamobrem cuilibet vestrum novum liceat proponere aenigma!
Valete.

[Zythophilus]

Vt fiat tibi iter bonum, precamur,
et multis liceat domum redire
uisis ossibus integris, amice.

[Tiberis]

ecce novum:

fabula scriptoris celeberrimi est de medico sene, qui domo flammis absumpta de vita sibi reliqua cogitat. in tanta solitudine quid manebit? spes amoris novi vana fuit. unus ex iis, cum quibus consuetudo ei fuit, auctorem incendii se praestitit. sed solacio ei est, quod filia nepotem ei peperit.

quae fabula?
nomen scriptoris?

[Willimox]

Quam brevissime:
Henning Mankell
Caligae cummis Suecicae.
Vale!

[Tiberis]

perfecte solutum, o litteratissime Bilibalde. gratulor.
nunc te vocat ordo.

[Willimox]

Bilibaldus sodalibus peritissimis et cupidis aenigmatum s.p.d.



Huic picturae artis emblematicae quattuor versus (duo disticha) adiuncti sunt.
Scriptor in decimo sexto saeculo vixit, eius liber Augustae Vindelicorum Gutembergia arte editus est.

Qui scriptor?
Quae disticha?

[Exinterator]

http://www.elistas.net/lista/terraeanti ... /msg/5810/

[Willimox]

Gratulor tibi, sodalis celerrime et strenue.
Nunc audiamus, quid nobis investigandi causa proponas.

[Exinterator]

vita mea non ultra aliquot horas durat, quod facio id mihi exitio est: prout tenuior crassiorve ero, citius aut lentius moriar ... qui sum?

[medicus]

Candela es, si non fallor

[Exinterator]

Candela es, si non fallor

optime tuum est nunc aenigma proponere

[medicus]

Salvete amici doctissimi in rebus naturae! Propono aenigma de animali quodam:
Ursus non sum, sed nomen traho de illo, cum celeriter non ambulem. Multo minor sum illo.
Quod nomen Latinum et Germanicum mihi est?

[Christophorus]

Tardigrada (Bärtierchen oder Wasserbären)