aenigmata

[Christophorus]

De die etiam cogitabam, sed: Nonne dies in erubescendo evanescendoque videtur?

[consus]

Non sum dies, amici spectatissimi.
Iure meritoque quaedam dubitatio vobis iniecta est: De continua quidem vicissitudine dierum et noctium non licet dubitari, sed ipsi sentire videmini diem, id est spatium temporis quo sol terras illuminat (Forcellini), semper dari in conspectum.
Cum timeam ne aenigmate plus aequo gravati obdormiscatis, auxilio vobis venio:
Effugio quidem, ut dixi, sensum oculorum, sed alio modo me sentitis.

[medicus]

Effugisti, HIEMS,sed interdum te sentio

[consus]

... HIEMS...

Denuo erras, optime MEDICE; nam, ut alia praetermittam, hiems vocabulum est feminini generis. - Cave insomniam, amice!

[medicus]

Cave insomniam, amice!

Caput fractum me vexat dormientem.

[consus]

...Caput fractum me vexat dormientem...

MEDICO suo sal.
Caecis verbis meis perpensis intelleges te dormientem a me adiuvari

[Tiberis]

Caecis verbis meis perpensis intelleges te dormientem a me adiuvari

num ipse SOMNVS tibi, o Conse obscure, ante oculos versatur? tamen istud "nec humano more vivo nec divino" quid sibi velit, ignoro.

[consus]

...num ipse SOMNVS tibi, o Conse obscure, ante oculos versatur? tamen istud "nec humano more vivo nec divino" quid sibi velit, ignoro. ...

TIBERI doctissimo suo amico s. d. p. Consus sodalis hac in causa obscuritate quadam involutus.
Est de SOMNO illud aenigma. Gratulor tibi de re in extremo investigata. Praeterea tibi ut qui vir sis litteratissimus etiam gratias ago quod me ad verba mea retractanda incitasti.
Scriptum est aenigma in Athenaei libro qui inscribitur Δειπνοσοφισταί (449d/e):

… Ἄλεξις δὲ ἐν Ὕπνῳ τοιούτους γρίφους προβάλλει·
« Οὐ θνητὸς οὐδ´ ἀθάνατος, ἀλλ´ ἔχων τινὰ
σύγκρασιν, ὥστε μήτ´ ἐν ἀνθρώπου μέρει
μήτ´ ἐν θεοῦ ζῆν, ἀλλὰ φύεσθαί τ´ ἀεὶ
καινῶς φθίνειν τε τὴν παρουσίαν πάλιν,
ἀόρατος ὄψιν, γνώριμος δ´ ἅπασιν ὤν.
{Β.} Αἰεὶ σὺ χαίρεις, ὦ γύναι, μ´ αἰνίγμασι—
{Α.} Καὶ μὴν ἁπλᾶ γε καὶ σαφῆ λέγω μαθεῖν.
{Β.} Τίς οὖν τοιαύτην παῖς ἔχων ἔσται φύσιν;
{Α.} Ὕπνος, βροτείων, ὦ κόρη, παυστὴρ πόνων. »

Verba ὥστε μήτ´ ἐν ἀνθρώπου μέρει μήτ´ ἐν θεοῦ ζῆν non totidem verbis in Latinum converti; neglexi imprimis illud ὥστε quo consecutio exprimitur. Forsitan autem aptiora sint verba „nec hominis instar vivo nec dei“ (ἐν μέρει τινός = instar alicuius). Nonne apparet contraposita esse verba „nec mortalis/nec immortalis ./. nec hominis instar/nec dei“?
Restat ut obscuritatis meae veniam cum a te petam tum a ceteris amicis qui aenigma solvere conabantur.
Vale, valete.

[Tiberis]

Restat ut obscuritatis meae veniam cum a te petam

Non est, cur veniam petas. nonne aenigmatum propria est obscuritas? etiamsi illud Athenaei accuratius Latine reddidisses, me solutionis non certiorem futurum fuisse fateor.


Ecce novum:
modo cum symphoniae interfuerim, non mirum est, quod hoc aenigma ad musicam pertinet..

De musico notissimum est opus Graeco.
quod vocibus trinis quoque ut cani posset,
vir Gallicus redegit in novam formam.

nomen musici Graeci ?
compositor operis?
quis vir Gallicus?

[Christophorus]

Vixitne hic musicus an fictus est?

[Tiberis]

Vixitne hic musicus an fictus est?

Non refert, utrum vixerit necne. sed cogita perpaucissimos fuisse musicos Graecos, qui tantam sibi gloriam meruerint, ut posteri modulatores opera ad eos pertinentia componerent. sed iam certum musicum ante oculos tibi versari opinor.

[Christophorus]

Musicus fortasse Orpheus est, vir Gallicus Jacobus Offenbach - nonne is etiam compositor est?

[consus]

Musicus fortasse Orpheus est, vir Gallicus Jacobus Offenbach - nonne is etiam compositor est?

Consentio quidem cum Christophoro de musici Graeci nomine, sed arbitror ante oculos Tiberi nostro obversari notissimum illud opus quod Christophorus Willibald Gluck de Orpheo et Eurydica composuit et redegit in novam quandam formam anno aetatis nostrae MDCCCLIX Hector Berlioz*.
_____________________________________________________________________________________
*In dubium vocandam esse censeo civitatem Gallicam Iacobi Offenbach: Nonne natus est in colonia Agrippinensi?

[Tiberis]

Musicum Graecum cum nimirum inveneritis , tamen vos, amici spectatissimi, quod ad reliquam aenigmatis partem attinet, in errore versamini. quod quidem nescio an verbis meis nimis ambiguis debeatur. quod enim scripsi "vocibus trinis", id quidem non ad voces humanas, sed ad instrumenta musica referri oportet. quaeritur ergo opus trium vocum sive instrumentorum, quod nos "Trio" appellare solemus. ceterum nescio an vobis commodo sit, si hoc quoque respiciatis:

modo cum symphoniae interfuerim

[consus]

TIBERI suo s. d. p. C.
Re denuo perpensa fieri non potest quin hoc scribam:
Nomen musici Graeci: Orpheus
Compositor operis: Franciscus Liszt ("Poema symphoniacum Nr. 4 Orpheus");
Quis vir Gallicus: Camillus Saint-Saëns (opus quod Theodisce appellatur Klaviertrio);
Num a. d. VII Kal. Apr. in pago Raiding hoc opere delectatus es?
Vale.