Abhinc ... annos

[cultor linguarum antiquarum]

Constantinus alius (decimus) imperator Byzantinus mortuus est.

[Zythophilus]

Accipiens gaudet papales Paulus honores.

Per duo Romanus papa biennia erit.

[cultor linguarum antiquarum]

Hieronymus Savonarola frater Dominicanus Florentiae supplicio affectus est. Dominus Florentiae fuit et pretiosa cremavit animorum salutis causa.

[Zythophilus]

Incipitur firmas Turcis adeuntibus arces

obsidio Melites: Non capietur iis.

[cultor linguarum antiquarum]

Nero Claudius Germanicus ductor Romanus, qui in Germania bellavit, natus est.

[Zythophilus]

Cum concessisset ferri rex uina lagoenis,

spumans instituit Francia ferre merum.

[medicus]

Jesus Christus ascendit.

[marcus03]

ascendit.

ascendisse dicitur?

Nemo esse/inveniri posse videtur, qui rem non ignoret.

[Zythophilus]

Mortuus Anglorum Beda est Venerabilis auctor.

Non fuit hoc Anglis doctior ullus homo.

[cultor linguarum antiquarum]

expeditionibus in Germaniam finitis Nero Claudius Germanicus triumphum agit. Arminii uxor Thusnelda et Thumelicus filius ostenti sunt.

[Zythophilus]

Quartus rex Carolus sinente papa
Annam duxit in arce celsa Aquinci.

[Zythophilus]

Natus Turcarum recturus regna Selymus.

Ebrius in thermis fertur obisse miser.

[cultor linguarum antiquarum]

solis defectio a Thale praedicta effecit, ut in proelio ad Halym flumen Lydi et Medi indutias fecerint.

[Zythophilus]

Wanfridae genitus, Wanfridae morte peremptus,

cum modo lustra forent paene peracta nouem,

Paganus Petrus est ornatus tempora lauru,

cui fuerant cordi gesta, Camena, merum.

[medicus]

Ebrius ille Paganus Petrus olim haec verba dixisse dicitur:
„Sta pes; Sta mi pes; sta pes, ne ladere mi pes!
Ni steteris lapides hic tibi lectus erunt“