aenigmata

[Tiberis]

Tiberis Conso suo sal.

Romulea toties ego sum versatus in urbe:

quam dicunt "magicam" , porta me adhuc latuit

.

https://it.wikipedia.org/wiki/Porta_Alchemica

[consus]

TIBERI amico suo doctissimo
de aenigmate feliciter soluto
laeto plausu gratulatur Consus.

Addere mihi liceat hoc distichon:

Dicet quis nostrum penitus sibi cognita cuncta,

Quae cohibet muris incluta Roma suis?

[Christophorus]

eheu

[Tiberis]

manete paulisper, amici! modo ex itinere IV dierum reverso occasio mihi non erat novi aenigmatis excogitandi. quod quam primum potero ponam.

[Tiberis]

Ecce novum:



Quaeritur urbs, forma multis notissima mira,

quae studio eximii floruit ante viri .

Qui, res ut faceret, toti quas venderet orbi,

sumptu tecta suo plurima condiderat.

Eminet una domus nubes altissima tangens,

qua sedem posuit conditor ipse suam.

Insolito – res mira – loco : nam per tabulata

scandere quae posset, cellula iuncta domo est.

hac ex sede sua nam custodire licebat

illi semper eum, qui modo fecit opus.

quae urbs?
quis conditor?
quas res fieri iussit?

[Exinterator]

num de urbe shangai aenigma est quia ibidem expositio universalis abhinc aliquot annos habita est?

[Tiberis]

urbs non apud Seres in ultima terra
sita est. in Europa tibi illa quaerenda est.

[Christophorus]

In dubio sum, quia non urbs, sed oppidum est:

quae urbs? Newjansk
quis conditor? Nikita Demidow
quas res fieri iussit? arma


https://de.wikipedia.org/wiki/Schiefer_ ... n_Newjansk

[Tiberis]

Longe abes a vera solutione, optime Christophore. Num istud oppidulum "urbs forma mira notissima" est? non de forma unius aedificii agitur, sed totius urbis! Num Nikita Demidow, quem neminem nostrum novisse puto, "res a se factas toti orbi vendidit?"
Quamobrem abs te peto, ut quaerere pergas. Auxilium tamen non negabo: Urbs quaerenda media(!) in Europa sita est.

[Medicus domesticus]

Mihi in mentem subito venit Florentia. Qua in urbe vir vixit, qui Fillipo Brunelleschi appellatur...

[Tiberis]

tu quoque in errore versaris, o Medice. nam Philippus Brunelleschi, licet machinas nonnullas invenerit, nullas tamen res, quod sciam, fabricari iussit, quas ubique terrarum venderet. ceterum dubito, num Florentia media (!) in Europa sita sit.

[Christophorus]

... ille conditor non est conditor urbis, sed fabricae officinaeve, an non?

[Tiberis]

ille conditor non est conditor urbis, sed fabricae officinaeve, an non?

ita est. in annalibus nomen urbis primum saeculo XIV invenitur, sed officina (a viro quaesito) condita urbs multo amplior facta est.

[Tiberis]

Hoc aestuoso tempore fervidus
mentem fatigat sol , animus minus

solvendum ad aenigma est paratus,

nec iuvat ardua cogitare.

[Christophorus]

Illudne "nec iuvat ardua cogitare" consilium arcanum est?