aenigmata

[consus]

Amicis rerum gestarum peritissimis pariter omnibus sal.

Angustam liberavit fortis Austria
Coniuncta sociis quondam fidis insulam.
Excussit hosti crudum truci malleum
Per longum tempus quo terrebat incolas.
Diem natalem cives posthac principis
Annos colebant grati multos Austriae.

Quis vestrum hos versus interpretabitur?
Quae insula? Quando? Qui socii? Quis hostis? Quis malleus?

[Willimox]

Conso illustratissimo s.p.d. B.

res gestae mihi haec elementa continere videntur:

Otto Christianus Malleus in bello Dania adversus Prussiam et Austriam gesto insulam Sylt anno MDCCCLXIV p. Ch. n. non iam tenere potuit.

Vale

[consus]

Denuo hercle, illustrissime amice, aenigma celerrime solvisti: gratulor .
Milites Stirienses illi proelio interfuerunt.

[Willimox]

Bilibaldus sodalibus aenigmatum peritis lyricorum mediaevorum amantibus s.p.d.

Avis cuiusdam sonitus asper et procrastinatio vituperabilis in libro noto vetere ab artifice pictore et ab artifice poeta coniuncti nos philologiae et librorum amantes delectare possunt.

Qui liber?
Qui poeta?
Qui avis?
Qui sonitus asper Latinus?

Valete!

[consus]

...Qui avis?
Qui sonitus asper Latinus? ...

Multa nocte, optime Bilibalde, nihil aliud nisi hoc:
Qui avis? corvus
Qui sonitus asper Latinus? cras.
Quod vero ad procrastinationem pertinet, rete perlustrato haec verba repperi (Clavis Melitonis): corvus = peccatoris ad poenitentiam tarditas et vana spes de die* in diem differentis. Et apud Augustinum scriptum legimus (In ps. 102, 16): Non tardes converti ad Dominum; sunt enim qui praeparant conversionem et differunt, et fit in illis vox corvina: cras, cras.
His verbis perpensis et librum investigavi et poetam.
Liber: Das Narrenschiff, i. e. Navigium hominum stultorum.
Poeta: Sebastianus Brant. Ecce eius verba (31):

Wer singt Cras Cras glich wie eyn rapp
Der blibt eyn narr biß jnn syn grapp
Morn hat er noch eyn grösser kapp ...

_______________
* Correxi auctore Bilibaldo.

[Willimox]

Conso reverendissimo s.p.d. B.

sagacis et sapientis est illa delectamenta detegere, quae abdita in rete splendore suo corda nostra et mentem nostram permulceant. Nunc, Conse optime, te officium delectet, ut delectemini.



https://www.hs-augsburg.de/~harsch/germ ... _n031.html

Vale!

p.s.
spes vana de die in diem differentis (?)

[consus]

...p.s. spes vana de die in diem differentis (?) ...

Gratias tibi ago, doctissime amice, de mendo demonstrato. Multa nocte parum me diligenter scripsisse fateor .
Addere velim Sebastiani Brant 'Stultiferam navem' saec. XV etiam Latine redditam esse. Ecce versus in quibus illud apparet 'cras':

Qui cantum corvi Cras cras imitatur et usque

Cras canit, haud animo fata caduca notans,

Semper aget fatuum; nam confidentia stulta haec

Dicitur: illusit spes ea saepe suos.

[consus]

Amicis suis sal.

Saeculo XIX in nobilissimam urbem Europaeam lapidea translata est columna,
quae alia in urbe ex domus regiae ruderibus una cum paucis parietum reliquiis feliciter deprompta erat.
Columna inscriptione ornata est cuius verba hoc modo Latine reddidi:

Lapidea haec pila procul
hunc in locum translata
te, viator, hortatur
ut semper teneas memoria
quam mutabilis sit fortuna.

Quae columna in hoc latet aenigmate?

[Willimox]

O Conse misericors, auxiliola (sic) conserendo miserearis nostrae ignorantiae consiliaque augeas.

[consus]

Bilibaldo et ceteris amicis pariter omnibus s. d. p. C.
Regionem montanam per quam fluit Mosella pedibus et pera tergo imposita pervagatus feliciter domum reverti. Lecto Bilibaldi auxilium implorantis nuntio aenigmatis verbis hoc nunc censeo addendum esse:
Domus illa regia, quae ex locis ubi tegulae coquuntur nomen traxit, abhinc annos centum quadraginta sex flammis deleta et postea proruta est.
Valete.

[Tiberis]

Tiberis Conso suo s.p.d.

auxilio abs te dato non iam difficile fuit regiam columnamque invenire:
domus regia: Les Tuileries (Tuilerienpalast), Paris (tuile= tegula)
columna ipsa in insula Berolinensi, cui nomen "Schwanenwerder", conspicitur.
https://de.wikipedia.org/wiki/Schwanenwerder#/media/File:Tuileriensaeule_Schwanenwerder.jpg
Ecce versus columnae inscripti:
Dieser Stein vom Seinestrande
hergepflanzt in deutsche Lande,
Ruft Dir, Wandrer, mahnend zu:
Glück, wie wandelbar bist du!“

[consus]

TIBERI amico suo spectatissimo s. d. p. C.
Gratulor tibi de aenigmate feliciter soluto. (In auxilio ferendo cautior esse debebam.)
-----------
Berolini restituitur domus regia urbana cui hoc tempore nomen impositum est Forum Humboldtianum.
Equidem puto Berolinenses, si etiam Lutetiae Parisorum domus regia de integro restitueretur, illam columnam Gallis sine mora reddituros fuisse. Non audiretur cantus olorinus ...

[Willimox]

De monumentis Berolinae restituendis et restitutis confer etiam "quadrigam in tegulas raptam e tegulis reversam" ("Retourkutsche") ....



Charles Meynie: Napoleonis introitus Berolinae triumphalis clade ad Jena und Auerstedt accepta. Haec effigies galeriae Dianae destinata est. Haec galeria in domu regia (Les Tuileries) inveniri poterat.



http://www.tagesspiegel.de/berlin/kunstraeuber-napoleon-vor-200-jahren-kehrte-die-quadriga-zurueck/9873746.html

[Tiberis]

Ecce novum:

Quaeritur vir nobilis, ortus ex Rhenania Inferiore, qui saeculo XIX. locum fontibus salubrem ita exaedificari iussit, ut abinde aegroti eo convenirent, qui vi fontium sanarentur. E quibus aquis duae sunt, quae ab illo viro eiusque coniuge etiamnunc nomen trahunt.

nomen viri eiusque coniugis?
nomen loci?
nomen fontis utriusque?

[Zythophilus]

Aequus ubi stat Mons, scatet unda salubris et unus

fontibus e septem nominis, Emma, tui est.

Bad Gleichenberg oppidulum est. Cum puer eram, ibi interdum fui. Auunculus quidem ibi uixit, qui olim classiarius exercitus Austriaci fuerat.
Duo fontes eius oppiduli a Matthia Constantino Capello von Wickenburg eiusque coniuge nominati sunt, nam inter alios fons Emmae et fons Constantini scatent .