Abhinc ... annos

von **marcus03** » Mi 16. Aug 2017, 15:52

Elvis Presley decessit Memphidis. Annos XLII tantum rex "oscillandi et volvendi" vixit.

von **Zythophilus** » Mi 16. Aug 2017, 16:26

Rex qui dictus erat cognomine, mortuus Eluis

Memphide; quem quidam non periisse putant.

von **Zythophilus** » Do 17. Aug 2017, 06:33

Imponi Stephano Siluester papa coronam

praecipit, Hungaros primus ut ille regat.

von **Zythophilus** » Do 17. Aug 2017, 08:14

Fit decimus quartus Benedictus praesul in urbe,

nomine qui uero Prosperus ante fuit.

von **Zythophilus** » Fr 18. Aug 2017, 05:13

Praesul Romuleae est Hadrianus mortuus urbis,

actus cui breuior pontificatus erat.

von **Zythophilus** » Fr 18. Aug 2017, 07:14

Per plures annos te non reget, Austria, princeps,

quam cui prima nouo lux hodierna datur.

Flavius Ricimer mortuus est. Non fuit imperator, sed vir potissimus imperii Romani occidentalis.

von **Zythophilus** » Sa 19. Aug 2017, 02:30

Fit Pius Aeneas, fit papa poeta facetus,

ut teneat sapiens sceptra thronumque Petri.

von **Zythophilus** » Sa 19. Aug 2017, 07:35

Augustusque dato moritur cognomine notus

nec sua fata potens uir superare potest.

Marcus Aurelius Probus imperator Romanus Sirmii natus est.

von **Zythophilus** » So 20. Aug 2017, 14:03

Sanctus fit Stephanus, Sanctus fit filius eius.

Gregorius Sanctis addit utrumque simul.

von **Zythophilus** » So 20. Aug 2017, 17:44

Mortuus in Clara Bernardus Valle magister,

sanctus ubi claustrum fecerat ipse suum.

von **Zythophilus** » Mo 21. Aug 2017, 07:46

Publicus est factus deletis moenibus hortus:

Vindobonense locum uulgus adire iuuat.

von **Zythophilus** » Di 22. Aug 2017, 01:05

Principe ab Eugenio capta est urbs, arx quoque capta est,

sub qua, Saue, tuas accipit Hister aquas.

Odoacer rex Italiae a copiis declaratus est.