aenigmata

[romane]

Vitium meum

corrigo:

pcn nn lt (= intacta series) + AEEIOOU

Quis id dixit et quid?

[Christophorus]

Pecunia non olet. - Vespasianus imperator.

[romane]

et nunc novum aenigma per te

[Christophorus]

Adsum!

Quaeritur urbs Europae litterarum octo.
Si littera quasi media in nomine sita deletur, habes nonnulla oppida extra Europam sita.
Si eadem littera per aliam litteram substituitur, habes malum statum corporis, de quo etiam pelliculae
eo nomine exstant.

[Tiberis]

nonne nomen urbis indigenum (vel nationale) quaeritur ?
@ malum corporis statum : nonne vox Latina?

[Christophorus]

nonne nomen urbis indigenum (vel nationale) quaeritur ?
@ malum corporis statum : nonne vox Latina?

Nomen urbis nationale et malus status corporis etiam in lingua eius terrae quaeritur - sed est lingua notissima (pellicularum).

[Christophorus]

... et non permanet, sed - potione consumpta - in Germania animal quoddam apparet.

[Tiberis]

Ecce nomen urbis: Hannover
nomine Hanover multae urbes in America sitae inveniuntur.
malus corporis status: hangover

[Christophorus]

Ita es, Tiberis optime!

[Tiberis]

in urbe quadam Europaea vetustissimus est puteus; quem qui ter ambierit fontisque aqua se sparserit , insania affectum iri fama est.

qua in urbe?
nomen putei?

[Exinterator]

Iguvii est fons (italice dictus Fontana dei Matti) quem qui ter circumierit stultitiae diplomate donabitur. Vulpius noster fontem eugubinum ambiendo gradus academicos consecutus est.

[Tiberis]

Quid mirum, quod tibi, optime Exinterator, ut viro vere Italico res, quam quaesivi, notissima est?
gratulor de aenigmate tam celeriter soluto!

[Exinterator]

Vir quidam catenis vinctus capitis damnatur. Rex tamen, qua est in subitos magnanimitate, iubet eum bono esse animo: cupere enim se illum a supplicio eximere. Postridie mane, inquit, antequam ad supplicium ducaris, sacculum, (in quem visus ferri non potest) tibi mittendum curabo duos calculos continentem, eiusdem ponderis ac formae sed non eiusdem coloris, unum nigrum, album alterum. Inicito manum: si calculum album expiscaberis, vives, sin nigrum, morieris. Pridie diei quo illi supplicium subeundum erat, filia regis, eius viri amore capta, patrem suum nigros tantum calculos in saccum condidisse fatetur. Quo rescito, vir totam noctem insumpsit in excogitandis mediis quibus se a rege defendere posset (nam eum palam doli arguere non potest). Quanam ratione contra regem se tuitus est?

[marcus03]

Moriturus dicet se calculo statim devorato calculum album extraxisse.

cf:
https://www.raetselstunde.de/text-raets ... n-007.html

PS: Verbum expiscandi deponens est. ---> expiscaberis
http://www.zeno.org/Zeno/0/Suche?q=expi ... Bibliothek

[Exinterator]

ita est, sed teotisce nescio. verbum expiscandi correxi, gratias. Nunc ede novum.