Abhinc ... annos

[marcus03]

Henricus Schenkl/"Crus" philologus, magister professorque natus est Oeniponti.
Decessit Vindobonae LIX annos natus. Docuit philologiam Latinam Graecii.
Optime meruit de editione critica scriptorum temporum Caesarianorum.

https://de.wikipedia.org/wiki/Heinrich_Schenkl

[medicus]

Quod ille vir Graecii docuit, Tiberis hodie certe non irascetur.

[Tiberis]

Quod ille vir Graecii docuit, Tiberis hodie certe non irascetur.

non refert, ubi quis suam habuerit cathedram. sed miror, quanta obstinatione Marcus noster nescioquos afferat philologos, de quibus vehementer dubito, num quis nostrum umquam quicquam audierit. Mihi quidem, ut qui in universitate litterarum Graecensi studuerim, Henricum Schenkl ignotissimum adhuc fuisse fateor; qui an Marco notus fuerit, dubito.
ne putaveritis me , quod quisque in disciplina sua effecerit, detrectare velle! nec dubito, quin suo quisque modo de Latinitate vel de philologia classica bene meritus sit. sed graviores esse censeo et res et homines, qui nescio an potius meruerint, ut hoc loco memorarentur.

[medicus]

Theodor Billroth primam resectionem stomachi carcinoma tollendi causa feliciter peregit.

[Tiberis]

liber Remarquii editur clarissimus,
in occidente nil novi qui inscribitur.

[mystica]

.

[marcus03]

Franciscus Petrus Schubert/"Sutor" componista natus est Vindobonae.
XXXI annos tantum natus decessit a.d. XIII Kal. Dec. anno MDCCCXXVIII.

https://www.google.de/search?q=franz+sc ... m=isch&sa=

Cuius imagine quendam sodalem musicae classicae amantissimum quodam loco uti vix quisquam ignoret.

[marcus03]

Hugo Laurentius Augustus Hofmann Nobilis de Hofmannsthal scriptor et poeta dramaticus lyricusque nascitur Vindobonae. Decessit LV annos natus ibidem.

[marcus03]

Iacobus Augustinus Aloysius Joyce scriptor inclutissimus natus est Eblanae.
Decessit LVIII annos natus Id. Ian. anno MCMXLI Turici .

https://www.google.de/search?q=james+Jo ... m=isch&sa=

[marcus03]

Ioannes Gensfleischius, qui Gutenbergius nominatur, obisse putatur Moguntiae LXX fere annos natus.
Sunt, qui eum anno MCCCXCVII in lucem editum esse velint.
Nec dies eius natalis nec mortis constat, certum esse videtur eum die a.d. V Kal. Mart. decedisse.
Februarii dies tertius saepe invenitur obitus diem quaerenti.


https://www.google.com/search?q=johanne ... QIABAA&oq=

[mystica]

.

[Tiberis]

EO DIE NATVS EST SALISBVRGI GEORGIVS TRAKL POETA AVSTRIACVS PRAECLARISSIMVS

[medicus]

Magnam in admirationem versus hoc chronogramma legi.

[marcus03]

Divo Augusto a senatu titulus Patris Patriae honoris causa attribuitur.

Eodem die anno DCVII a.u.c. Carthagine expugnata Bellum Punicum Tertium confectum erat.

De illo Seneca olim scripsit:

Diuus Augustus, cui di plura quam ulli praestiterunt, non
desît quietem sibi precari et uacationem a re publica petere;
omnis eius sermo ad hoc semper reuolutus est, ut spera-
ret otium; hoc labores suos, etiam si falso, dulci tamen ob-
lectabat solacio, aliquando se uicturum sibi.
...
Tanta uisa est res otium ut illam, quia usu non
poterat, cogitatione praesumeret. Qui omnia uidebat ex se
uno pendentia, qui hominibus gentibusque fortunam dabat,
illum diem laetissimus cogitabat quo magnitudinem suam
exueret.

Hic locus olim erat vertendus in examine rei publicae liberae Bavaricae.

https://www.uni-regensburg.de/assets/sp ... l1990f.pdf

Et in televisione idem locus olim adhibitus est:
https://www.youtube.com/watch?v=UaojkQPtGTc

[Tiberis]

NATVS EST ANDREAS CITROEN, BONVS VEHICVLORVM FABRICATOR