Abhinc ... annos

[Zythophilus]

Denique libertas Graecis ut grata daretur,

iussit amor patriae fortior arma capi.

[marcus03]

Ludovicus van Beethoven componista et clavicen Theodiscus animan efflat Vindobonae
annos LVI natus.

Homini nihil est generosius nec carius tempore.

Numquam ultione utor; cum in alios consulere debeo,
plus contra eos non molior, quam moliri cogor.

Dum Austriaco est cervisia et botellus suus, rerum novarum non est cupidus.

Multum interest inter facultatem liberi meditandi et facultatem se animi impetui tradendi.

O artem! Quis te intellegat! Quocum disputare licet de dea magna?

Quo maiores progressus fiunt in arte, eo minus opera priora mihi sunt satisfactioni.

Musica revelatio est sublimior sapientia et philosophia quaque.

Te eum esse oportet, qui esse videri vis.

[Zythophilus]

Mortuus est Stephanus, Stephanus tum papa creatur,

alterque alterius munera papa tenet.

[marcus03]

Prima pellicula in theatro cinematico in Austria prolata
exhibetur coram publico Vindobonae invitato

[Zythophilus]

Maxima cum nauis pontis crus uerterit ictum,

saltem homines gelida sex moriuntur aqua.

https://edition.cnn.com/2024/03/26/us/b ... index.html

[marcus03]

Petrus Alexander baro de Ustinov actor, scriptor, scaenarum dispositor Britannus obit in Helvetia.
Natus est a.d. XVI Kal. Mai anno MCMXXI Londini. Cui erat et civitas Helvetica.

Quem inter alias pellicula anno MCMLI prolata, quae QVO VADIS inscribitur, innotuisse constat.
Ad hoc partes egit illius criminum investigatoris nomine Hercule Poirot, quae figura ab illa Agatha
Christie ficta est. Quam egit e.g. in pellicula, quae inscribitur MORS IN FLUMINE NILO FACTA.

Qui omnia ad meliora refert est ille, qui non ignorat, quam tristis interdum sit mundus,
cum pessimista sit ille, qui cottidie ad eam cognitionem iterum pervenit.

Cum femina amore capta omnia agas licet, quae vult ea.

Animus fortis saepe cognitione caret, cum ignavia non raro in iis posita sit, de quibus
bene certiores sumus facti.

Mores pecunia corrumpuntur - praesertim si cares illa.

Multae feminae nesciunt, quid velint, sed promptissimae sunt ad hoc accipiendum.

Philosophus est vir, qui femina carens mundum complectitur totum.

Ecclesia dicit te vicinum tuum amare oportere.
Mihi persuasi illam meum non nosse vicinum.

Qui non dubitat, mente est captus.

Qui id rogat, quod roget non oporteat, audiet, quod audire non velit.

Viri de feminis meditantur, cum feminae de iis meditentur, quae viri de se meditati sint.

Nulli credo rei, sed sum paratus ad stupendum.

Amor summus semper est ille, qui non expleatur.

Noli quaerere, qua ex causa aliquid factum sit, si causam dicere non potes, ex qua quaeras!

Coniugium est bellum unicum, in quo cum hoste concubitus fiat.

Vita brevior est, ut de ea meditemur, longior quidemst, ne id ipsum faciamus.

Religio Dei opus, quod a diabolo perfectumst.

Feminae discedunt victrices se victas esse simulantes.

[marcus03]

Grex musicus, qui se ABBA appellat, nascitur proferendo canticulo, quod inscribitur PEOPLE NEED LOVE/HOMINES AMORE INDIGENT.

Mense Decembri anni MCMLXXXII grex in scaenis mundanis apparere desiit.
Anno MMXVIII duo canticula nova ab eo annuntiata sunt, quae anno MMXXI prolata sunt.
ABBA quadringenta decies centena milia aut phonodiscos aut ea, quae CDs nominantur, vendidisse dicitur.
Qua re inter greges omnium felicissimos musicos numeratur.

Res familiaris gregis unum fere milliadum Euronum facere aestimatur.
Si haec summa collocaretur fenere centesimarum trium, mense quoque reditus fieret
quinque fere decies centena Euronum vectigali deducto (XXVIII %) per annos XX, quoad
pecunia consumpta sit.

[marcus03]

Franciscus Josephus Haydn componista Austriacus aetatis Vindobonensis classicae in lucem editur
in oppidulo Rohrau in Austria inferiore sito.
Obiit a.d. II Kal. Iun. anno MDCCCIX Vindobonae.

A mundo eram seiunctus, nemo mihi proximus efficere potuit, ut de me ipso desperarem,
nec mea torquere potuit. Qua de causa fieri non potuit, quin fierem homo mei generis.

Lingua mea intelligitur mundo a toto.

Modos reperiatis pulchros. Quibus repertis musica nostra erit pulchra placebitque.
Non refert, cuius sit generis.

Deus,cum mihi dederit animum laetum, mihi certe ignoscet sibi servienti laeto.

Cum ad meum sedebam claviarium vermibus exesum, nullus rex mihi erat invidiae ob eius felicitatem.

[Zythophilus]

Imponit Clemens Henrico papa coronam

Augustumque Deo praecipiente facit.

https://de.wikipedia.org/wiki/Heinrich_IV._(HRR)#Heinrichs_Kaiserkr%C3%B6nung_und_Gregors_Ende

[marcus03]

Carolus I. imperator Austriacus ultimus et Carolus IV. simul rex Hungaricus apostolicus obit in
insula Madeira, quae ad Lusitaniam pertinet.
Qui simul erat rex Bohemiae Carolus III.
Natus est archidux Carolus Franciscus Josephus Ludovicus Hubertus Georgius Otto Maria Austriacus
a.d. XVI Kal. Sept. anno MDCCCLXXXVII in regia Persenbeug in Austria inferiore sita.
Anno MMIV a papa Ioanne Paulo II beatificatus est.
Fieri posset, ut inter Sanctos reciperetur.

[Zythophilus]

Heu! procul a patria Carolum tepida insula perdit

et pulmone dolens igne flagrante perit.

[Zythophilus]

Mortuus est Romae mala passus papa Polonus.

Quem sanctum fieri uult pia turba senem.

[marcus03]

Carolus Magnus rex imperi Francorum in lucem editur in Francogallia boreali.
Anno DCCC a papa coronatus est imperator primus Europae occidentalis Romae die Domini natali.
Quo imperante imperium Francorum magnitudine fuisse maxima fertur.

Populus si sciret, quanta regeretur stultitia , rerum novarum esset cupidus.

[Zythophilus]

Filius est Carolus Carolingus regius ortus,

augens imperium qui patre maior erit.

[Zythophilus]

Est uastata graui terrae Chios insula motu

nec colere hanc homines post potuere diu.