Nugae

[Medicus domesticus]

Nunc tacet iratus medicus uitatque loquellas

nec fora, continuo cum stomachetur, adit.

Mox repetens idem fora nos saluere iubebit,

cum nequeat solito more tacere diu,

et mox commotus solita stomachabitur ira

et grauia, eius ut est mos, maledicta dabit.

Audite libenter carmen clarissimum omnibus notum:
https://youtube.com/shorts/pKbD2_N-kzQ? ... A_CpQq_MS9

[marcus03]

Audite libenter carmen clarissimum omnibus notum:

Quid hoc carmine aut dicere aut efficere vis?

carmen clarissimum omnibus notum:

.. et omnibus notum ??

Nonne iunctore ET vel virgula opus est inter adiectica, quorum alterum alterum subsequitur?
An hoc in casu neutrum adhiberi necesse est?
cf:
multi et magni viri

Civilis quaedam ratio est, quae multis et magnis ex rebus constat. (Cicero)

[Medicus domesticus]

Carmen <-> notum …PC

[marcus03]

Nonne NOTUM potius adiectivumst quam PC?
Nonne potius adiectivum adhibetur quam participium?

Suntne loci, in quibus perspicue PC sit?

Puto his in rebus versari melius esse quam rixari. Ad id revertamur, ad quod forum olim institutumst!

[Medicus domesticus]

Puto his in rebus versari melius esse quam rixari. Ad id revertamur, ad forum olim institutumst!

Ita est! Scripsi ut ego scripsi!

[ille ego qui]

Oh! QVEM tantillo temporis spatio reducem video!

[ille ego qui]

Audite libenter carmen clarissimum omnibus notum:

Quid hoc carmine aut dicere aut efficere vis?

carmen clarissimum omnibus notum:

.. et omnibus notum ??

Nonne iunctore ET vel virgula opus est inter adiectica, quorum alterum alterum subsequitur?
An hoc in casu neutrum adhiberi necesse est?
cf:
multi et magni viri

Civilis quaedam ratio est, quae multis et magnis ex rebus constat. (Cicero)

vix (rarissime!) virgula ponitur inter duo (!) adiectiva continuata.

* ponendum est aut „et/vel“, si illa adiectiva quasi eodem gradu habentur. hoc etiam ad istud „multi et magni“ attinet. hic eniam sermo Latinus aliter sentire solet ac noster - ubi „viele große“ non habentur in eodem gradu posita (itaque non ponimus virgulam!).

* aut nihil (neque virgula neque coniunctio), si adiectiva non habentur eodem gradu.

Sic quidem docent.

[Zythophilus]

youtube consent.png (14.81 KiB) 1429-mal betrachtet

Non licet a medico positum mihi cernere carmen.

Sicine stultitiam di prohibere uolunt?

[Zythophilus]

Cum foret in platea ceruisia fusa bibenda,

fundenti imposita est aspera multa uiro.

Heu, nolite, uiri caros effundere potus,

os ne sit fugiens carior ipse liquor!

https://www.heute.at/s/hammer-strafe-we ... -120026932

[Zythophilus]

Te laetus populus uenientem, Christe, salutat

et sua, laetatur, rex quasi regna petat.

In tenui positus, Domine, apportaris asello,

et tua mansuetus candida moenia adis.

Est uia tecta tibi diffusis uestibus omnis

et tribuit ramos edita palma piis.

En, osanna canunt magna nunc uoce fideles,

dum saluere ducem credula turba iubet.

https://upload.wikimedia.org/wikipedia/ ... salem2.jpg

[Zythophilus]

Quae fecit Myconos, nobis Lucanica eduntur,
nam tuus est hodie, fortis Achaia, dies!

[Zythophilus]

E modico sanctus factus pistore sacerdos,

nomine cui sumpto gloria magna fuit.

Clementem Mariam uenerata est turba fidelis,

nunc quem Varsouiae Vindobonaeque colunt.

[Zythophilus]

Cum loca uere bono peragrare placeret amoena,

cum caro socio Znoimia adita mihi est.

Qua fuit arx, hic stant Catharinae fana rotunda,

quemque Ceres tribuit, fit prope templa liquor.

Sub celso latices labuntur ponte loquaces,

quo transit fluuium ferrea rhaeda citum.

Dic, placeatne tibi cucumis, quem Znoimia salsum

condidit et uiridem potus acerbus habet?

[Zythophilus]

Discipulos Domini iubet ultima cena uenire

cumque suis Christus mox moriturus adest.

Verba uiris Domini miranda uidentur Iesu,

dum parat electas sumere turba dapes.

Laude Deo dicta tradendum frangere panem

dicitur et corpus deinde uocare suum.

Distribuit calicem, cum laus sit dicta datori,

sanguinemque suum nuntiat esse merum

inque suo dicit renouatum sanguine foedus,

nam scit mortiferam non procul esse crucem.

Vnus constituit Christum iam tradere morti

tristesque accipiunt oscula falsa genae.

https://upload.wikimedia.org/wikipedia/ ... er_002.jpg

[Zythophilus]

Discipulos Domini iubet ultima cena uenire

cumque suis Christus mox moriturus adest.

Verba uiris Domini miranda uidentur Iesu,

dum parat electas sumere turba dapes.

Laude Deo dicta tradendum frangere panem

dicitur et corpus deinde uocare suum.

Distribuit calicem, cum laus sit dicta datori,

sanguinemque suum nuntiat esse merum

inque suo dicit renouatum sanguine foedus,

nam scit mortiferam non procul esse crucem.

Vnus constituit Christum iam tradere morti

tristesque accipiunt oscula falsa genae.

https://upload.wikimedia.org/wikipedia/ ... er_002.jpg