Nugae

[Zythophilus]

Quae magnis fuerant elephantibus, ossa reperta

atque haec ad Monachos condita erant sub humo.

Cur, cum cauponis Cerealis non foret humor,

a magnis regio sicca petita feris?

https://www.br.de/nachrichten/wissen/sp ... kt,UA1jERe

[Zythophilus]

Praematura fugit, gramen quae torruit, aestas

et perflat gelido turbine uentus agros.

Heu – calido frigent nunc omnia sole fugato

continuoque frutex imbre cadente madet.

Quas habet arbor, aues nolunt cantare misellae

nec pratum uario flore salutat apes.

[Zythophilus]

Latrator rediit petens forum relictum,
quo nemo sapientior aera haurit,
gannitque obloquiturque more noto.
Qui ridere uirum uelint superbum,
sunt, aut rem potius tacere miram,
ast unus socius iuuat molestum,
cum semper stomachetur excitatus.

[ille ego qui]

"stomachetur" ... hm ...

[Tiberis]

cur illud "stomachetur" , o sodalis,
indicas reprehensione dignum ?

[Zythophilus]

Virum molestum iuuari dico, cum alter stomachetur.

[ille ego qui]

nihil reprehendo.
sed non modo libelli, sed etiam verba habent sua fata. quod nonne etiam ad vocem stomachandi pertinet hoc in foro?

sed certe nihil obstat, quin libere etiam isto utamur vocabulo.

[Zythophilus]

Quid dicere uelis, ignoro. stomachor, ātus sum, āri, (stomachus) unmutig-, ärgerlich sein, sich ärgern in lexico Georgesimo legimus.

[ille ego qui]

nescio an praestet omnia ista universali quasi oblivione obruta esse

... in memoriam Stomachati illius mira ac perpetua ad rixandum alacritate insignis ...
(http://www.zeno.org/Georges-1910/A/z%C3 ... l=zankisch)

[Zythophilus]

Ecce. Te monente ille in memoriam reuertit.

[Zythophilus]

Mortuus in quodam situs est sine uertice tecto:

Dicere homo causam iam nequit ore carens.

https://www.heute.at/s/wie-eislady-tote ... -120031845

[Zythophilus]

Heu, fuit Aprilis mensis calidissimus ante,

sed uenisse – mihi crede! – uidetur hiems.

Quaerimus attoniti: Transacta est iam breuis aestas

an leue uer fugiet denique frigida hiems?

[Zythophilus]

Hic ignominia est cunctis monstrata reorum,

uinxit enim pali dura catena malos.

[mystica]

[marcus03]

Quid illud "se contentum esse" sibi vult? Quomodo in vita cottidiana fit?
Quomodo vivit ille, qui se sit contentus?
Omninone tali modo vivi potest?
Nonne sunt semper condiciones, sine quibus nemo se contentus vivat liceat?
Memento Senecam fuisse virum divitissimum nulla re indigentem ad victum parandum!