Nugae

[marcus03]

et ferat pacem tribuatque laeta
tempora uobis!

Ab utroque tibi optato longissime abesse videmur. Nonne acinaces crepitantes ubique orbis audimus?
Tempora dura ac difficillima instant, quae ne desideria pia iustaque non respiciant timeam.
Spes quidem moritur ultima. Ergo speremus rationem esse superaturam!

[Zythophilus]

Num, cur Pilsna mihi sit, quaeris, Marce, petita,

quaeque huius fuerit maxima causa uiae?

Haec loca me iussit Cerealis potus adire

atque hic continuo pocula plena sequi.

[marcus03]

Haec loca me iussit Cerealis potus adire

Huic iusso te numquam non oboedire mihi persuasi,immo te talia iussa continuo desiderare et exspectare suspicor.

[Zythophilus]

Templa Dei placeant, licet hic sit curia pulchra,

circumdent ueteres hic fora lata domus,

splendida non ueniunt spectatum moenia multi,

sed, Cerealis ubi fit liquor, esse uolunt.

[marcus03]

sed, Cerealis ubi fit liquor, esse uolunt.

Non solum cognoscere cupiunt, quomodo ille liquor coquatur. Quorum plurimorum imprimis interest coctum sibi quam primum ministari.
Quendam Austriacum vix expectare posse puto, dum tandem exclametur: Ozapft is!

Tu felix Austriace, noli nimis longe cessare, sed bibe.
Nam quae Mars aliis, dat tibi fabrica cervisiae - gratis!
PROSIT!

[Zythophilus]

Per coctos cunctis notissima Pilsna liquores,

ut lepidis nobis sit celebranda metris,

nam uetere in magnis more hic miscentur aenis

frumentum et lupulus fitque calore latex.

[Zythophilus]

Ver uenisse rati gratumque manere teporem

uentum – uae – querimur nunc agitare niuem,

cum uideatur hiems in agros rediisse uirentes,

et tenues flores frigore ubique mori.

[marcus03]

Per coctos cunctis notissima Pilsna liquores,

Carmen tuum Pilsam etiam inclutiorem modo reddidit.

[Zythophilus]

Tempora fugerunt, mensis paene actus Aprilis,

qui simul immiscens uer hiememque dedit.

Vmida sol lapsis siccauerat imbribus arua,

cum tepor abscessit nixque secuta cadens.

[marcus03]

Perpulcherrime ac perpraeclarissime poeta est denuo locutus !

[Zythophilus]

Traducit gelidas elephantos Hannibal Alpes.

Multos iam perimunt nix glaciesque et iter.

Disce, tibi si uis elephantum, Marce, parare

ex hoc et sine ea celsa fera iuga adi.

[Zythophilus]

Horribile est. Addit Cereali mira liquori

gens elephantorum stercus Eoa putrens.

http://www.paradisi.de/Health_und_Ernae ... 101281.php

[marcus03]

Ista cervisia hic ministrabitur:
https://www.google.de/search?q=elefante ... c-B1PJOTxM:

Nonne tales ad nuptias invitari velis - scilicet tuam et propriam cervisiam tecum ferens.
Nonne putas illum Hannibalem Alpes cum elephantis transcendentem maxime gavisurum fuisse, si ex eorum stercore cervisiam coquere potuisset? In Italiam quidem vix pervenisset: Copiae eius crapulis cottidianis perissent.

PS:
Ille liquor nihil novi sub sole esse videtur:
https://www.google.de/search?q=betrunke ... bfOiV08RVM:

Cervisia elephantis sperni non videtur:
https://www.google.de/search?q=betrunke ... tBNUH2KjPM:

[Zythophilus]

Cur elephas tibi sit, miramur, tam bene notus:

Esse elephanta tibi, Marce, fatere, domi!

[Zythophilus]

Quare, Marce, taces? Num uis nos, Marce, docere?

Quomodo, qui tibi sunt, dic, elephantas alas!