"Mailinglist"

[Merkur]

Salvete!

Institui rem quandam, quae Anglice "Mailinglist" dici solet ...
Si vultis nomen dare potestis. Hanc ad rem conficiendam solummodo epistula electronica vobis transmittenda est ad hanc inscriptionem:

circulus.latinus-subscribe@domeus.de



Valde gauderem, si quis inscribat....

[Martialis]

Martialis Mercurio suo salutem

Rogo ut explices cui bono sit ea res, quam Mailinglist vocent.
Nonne hoc forum satis amplum tibi videtur?
An me fallit res conspicior quam ut videam?

Cura ut valeas

[Der schwarze Thomas]

Quod in difficultatem incidisti vocem "Mailinglist" in Latinum convertere conans, ego hac in re tibi subvenire conor et id propono, ut "Mailnglist" indicem distribuendi epistulas interretiales Latine nominemus.

Quam ego vocem in lexicon meum interretiale inserui. Accede, quaeso, ad hanc paginam http://der-schwarze-thomas.bei.t-online.de/m.html#mailinglist

Cura, ut valeas!

Thomas Vulpius

[Martialis]

Martialis Raetus Vulpio suo salutem

Quod proponis mihi valde placet, adeo placet ut penitus inspecturus sim paginam tuam interretialem. Gratias ago.

Vale.

[Tiberis]

@mercurius
quod nos hortatus es, ut nomina nostra isti indici insereremus,quo facilius litterae electronicae distribuerentur, non possum facere,quin tibi dicam tale consilium mihi minime placere. cum enim ea res sit molestior, tamen , ut illi gregi me adiungerem, me temptavisse non negabo. sed nomine inserto,quo aditus daretur, nuntium accepi nomen non valere, quamvis id ipsum in epistula electronia mihi redditum esset.
quae cum ita sint,iterum aditum illius gregis petere me quidem piget.
tamen , si quando tibi auxilio meo opus sit, me adfuturum pro certo habeto.

[Merkur]

Salve o Tiberis


Te nequaquam falso dixisse puto. Indicem illam distribuendi epistulas - ut Thomas noster ater illem nominavit rem - iterretiales hac de causa sola, quod mea opinione non esse condicionem ita properam, hunc locutorium coloquiis nostris quasi "refercire". Si tibi aptior videtur in locutorio alio (idemve (?) ) colloqui et his de causis disputare, id certe facere poterimus ...

Responsum tuum expecto

Alex

[Tiberis]

salve, Mercuri
ut mea fert opinio, praestabit moderatores harum paginarum forum novum huius rei proprium instituere, in quo suos cuique nuntios proponere licebit.nam nullis eiusmodi verbis, quibus aditus detur, impediti multo expeditius ac saepius omnes, quorum id interest, huic rei interesse possunt. quapropter moderatores nostros adeamus, ut hanc nobis dent facultatem !
vale,
Tiberis

[Merkur]

Fiat