Examine maturitatis imminente ...

[Pedanticus]

Ped. omnibus s.

Imminet ac passibus nunc appropinquat haud tardis examen maturitatis, cuius in Germania vocabulum abituri est. Qua de causa, amici, tempus mihi non est, ut hoc in foro scribam litteras. Quod ego vos bene ferre puto.
Sunt certe quorum haec non intersint - at sciant isti me non interesse an eorum intersint. Revertar tempore nondum certo (subiectum est fortunae).

Valete!

[Tiberis]

tibi istud examen subituro omnia feliciter eveniant! quam primum redeas in forum nostrum!

[Pedanticus]

Gratias ago tibi, Tiberis, maximas. Nam mathematica ista me prohibet quominus latinitati studeam, quod maximo mihi dolori est.

[Martialis]

Equidem puto hoc forum tibi maximo usui esse posse, quod fauces plicasque cerebri tui commoveat roboreque vitali afficiat. Quid? Nonne lingua Latina, quae complectatur fundamentum et materiem omnium cogitationum, etiam artem mathematicam aliquantulum adiuvabit?

Ceterum exopto ut tibi illud examen "maturitatis", quod ridiculose dicunt, bene eveniat, cuius rei non habeo ullum dubium.

[Lord Piergeiron]

Salve, Pedantice !

Optimum eventum tibi exopto !

Omnibus facultatibus utaris et adhibeas prudentiam, diligentiam et cautionem tuam in ea examinis re !

Vale, Lord !!

[Pedanticus]

Ped. omnibus s.

Iterum omnibus, qui optaverunt ut examine isto perfungerem, gratias ago. Heri examinationem mathematicae scripsi - nescio utrum bene an male eventura sit, sed spero ut eveniat bene.
Nihilominus gaudeo quod otium mihi nunc est, ut litteris artique latinitatis studeam.

Valete