De Benedicti XVI. in linguam Latinam amore

[Tiberis]

(hic nuntius legi potest in teletextu societatis radiophonicae Austriacae, pag. CIII., a.d.IV.Kal.Dec.)
papa Benedictus XVI. id vult efficere, ut adulescentibus lingua Latina cordi sit: linguae antiquae in ecclesia vitam reddi eamque in caeremoniis ecclesiasticis adhiberi oportere.
quod ad scholas pertineat, novas dixit se desiderare rationes docendi , quibus linguae pervulgandae faveatur; quae oratio habita est in instituto quodam "Latinitas" appellato, quod antecessor eius Iohannes Paulus II. fundavit. se ipsum ea lingua quotidie uti papa orationi suae adiecit scilicet Latine habitae.

[Sokrates Palaios]

salve, Tibere!
fortasse etiam dicere potes, quando et quo loco prima encyclica Papae Benedicti XVI in lingua Latina legi poterit. Te nuntiare hoc foro posse spero. Vale

[Tiberis]

salve Socrates,
paginas interretiales ad novam encyclicam pertinentes cum pervolutarem, nil in iis repperi nisi quod te iam novisse opinor: litteras pontificales VIII.Kal.Feb. in publicum editum iri, lingua quidem Theodisca ; tamen equidem pro certo habeo fore, ut encyclica nova paulo post in Latinum conversa in pagina interretiali civitatis Vaticanae legi possit.
vale !

[Drakonion]

Salvete!

In eo loco oratio papae Benedicti XVI. in lingua Latina atque in lingua Germanica traducta inveniri potest:

http://www.kath.net/detail.php?id=12160