hellenisti

[Eusebes]

Sunt in hoc foro, qui hellenisti loqui velint?

Eusebes

[Narcissus]

Ut sciam in hoc foro solum lingua latina loqui licet

[Juergen]

[unicode]Συνιέω.

οὐκ ἐξεστι ἐλληνικῶς λεγειν.

[/unicode]

[Eusebes]

Haud nescio, amici, sed scire velim, si sunt, quibus Forum Graecum intersit.

Dimittite peccata mea, latina non loqui possum.

Valete

[Eusebes]

loqui nescio, natürlich....

[Juergen]

[unicode]Φίλοι μου, οὐκ κανότητα γράφω ὑμῖν, ἀλλ' ἡ γλῶσσα ἐλληνικὰ ἡ μήτηρ τῶν γλωσσῶν ἐν Ἐυρώπῄ ἐστιν.[/unicode]

[Latein-Fan]

Ita est, Iuergene!

[Euripides]

Mirum est te consilium laudabilius Graecam linguam loquendi dare.
His antiquis linguis uti et gaudium eiusdem excitare tempus esse mihi videtur. Cum plurimi usum harum linguarum rem difficilem esse temere, ut existimo, habent, tamen ipso usu aliquando magnam eloquentiam adipiscentur. Semper necesse est has esse origines multarum linguarum Europaearum, quas etiam usu his temporibus didicimus, sibi conscium esse.
Sed quo in loco loqui excogitasti?

[Eusebes]

Carissimi amici, gratiam vobis ago propter verba vestra. Ubi hellenisti loquamur? Est forum apud Yahoo quod non prosperat difficultate typorum causa, sed multi participes adsunt. Sed in hac pagina tamen problema hoc resolutum est, ut mihi paret.

Est-ne possibilitas hic apud e-Latein-Forum forum hellenikum condere? Πόλιν τῆς τῶν παλαιῶν γλῶττας;

Salutem plurrimam dicit vobis

Eusebes, loquens Latina coquinaria

[Narcissus]

ἡ γλῶσσα ἐλληνικὰ ἡ μήτηρ τῶν γλωσσῶν ἐν Ἐυρώπῄ ἐστιν.

lingua latina est vera mater omnium linguarum

[Tiberis]

mirum profecto est, quod Juergen noster dixerit linguam Graecam veluti matrem esse linguarum Europaearum. quid, quaeso, istud sibi vult? licet multa quidem vocabula Graeca in sermonem Latinum penetraverint, tamen nec linguam Latinam neque ullam linguam Europaeam a Graeca originem duxisse satis constat. nam qui fieri potest, quin lingua Graeca, ut quae ne parvulae quidem mater familiae sit, pro matre omnium Europae linguarum habeatur? praetereo eas linguas, quae non a stirpe illa communi oriuntur, quae indoeuropaea dicitur, veluti Finnicam, Hungaricam et al. sed quid de sermone Theodisco? quid de Anglico? nemo iure dixerit eos quasi liberos esse matris Graecae.

[Martialis]

Mi Tiberis, quid censes de isto casu fluminum, quae Graece potamos vel Americane Potomac nominentur? Nonne ligamen cuiusdam generis exstare videatur inter has linguas quamvis distantes?

[Tiberis]

mi Martialis,
te iocari opinor ; nam multum abest, ut nomen illius fluminis originem suam a lingua Graeca traxerit. immo "Potomac" est nomen gentis sive civitatis cuiusdam Indianae. vide, quaeso, hoc:http://de.wikipedia.org/wiki/Potomac_River

[Martialis]

Alpheion iterum iter multo longius fecisse non quidem verisimile est, sed licet, ut existimo.

At tu pater fluminum satis cognovisse debes de natura aquarum meantium!
Cedo.

[Asinus Stultus]

Mi Tiberis, quid censes de isto casu fluminum, quae Graece potamos vel Americane Potomac nominentur? Nonne ligamen cuiusdam generis exstare videatur inter has linguas quamvis distantes?

Graeci erant boni nautae, qui etiam ad regiones polares boreales navigabant. Fortasse oram Americanam petebant.
Cogitatum pulchrum!


Ceterum censeo Forum Graecum esse instruendum!