aenigmata

[consus]

Incredibili nunc celeritate, amici carissimi, aenigmata et proponi videntur et solvi…


Equidem, mi Zythophile, animali illi monstruoso nomen puto esse YETI.

[Zythophilus]

EVGE!
De Yetio
Yetius alter ait: "Reinoldum* uidimus ipsi!"

"Falsa mihi uisa est res", ait alter, "adhuc!"

VALE!

* Reinoldus Messner

[Tiberis]

Incredibili nunc celeritate, amici carissimi, aenigmata et proponi videntur et solvi…

nonne aenigmatibus tam crebro continuandis absentiam complurium septimanarum compensare vultis ? quotienscumque hoc forum repeto, aenigmate novo brevissimo tempore soluto quasi facultas respondendi sive cogitandi mihi sero venienti adimitur. festinate lente, amici !

[consus]

Est locus in terris: parva est pulcherrima vallis:

Nomen ei Graium, dulce, lepore vigens.

Quae loca perlustrans tenui laetabere templo,

victa peste viri quod posuere pii.

[Medicus domesticus]

Solutionem aenigmatis Βάσσαι esse puto

[consus]

Κῶνσος τῷ Οἰκείῳ Ἰατρῷ χαίρειν.

Αἰαῖ αἰαῖ αἰαῖ· neque enim est χωρίον … καλούμενον Βᾶσσαι neque ὁ ναὸς τοῦ Ἀπόλλωνος τοῦ Ἐπικουρίου (Paus. 8, 41, 7). Quod Apollinis templum num tenue sive parvum esse licet dicere? Dolore me opprimi scito molestissimo.

Ut vero labor paullulum minuatur, hoc addo distichon:

Haud procul illa latet vallis, quam quaerimus, urbe,

imperii magni quod fuit ante caput.

Bene et feliciter vale.

[Zythophilus]

Est prope Vindobonam spatianti commoda uallis:

Ciuibus haec Helenes uallis amoena patet.

[Medicus domesticus]

@consus:
Oh...Entschuldigung ich habe "tenui" überlesen..
Und dann noch der großartige Tempel von Bassae
Tut mir leid

[consus]

Sphinx Rhenana
gravissimo dolore oppressus
Oedipodi Austriaco
de aenigmate optime soluto
ex animo gratulatur.

Oedipus Austriacus Sphingem deturbat acerbus:

Nunc hominum Rhenus fletibus ecce tumet.

[Medicus domesticus]

Und ich als Medicus komme nicht drauf
Cholerakapelle im Helenental

[Zythophilus]

Haud pocul a nobis Helenes sita uallis amoena.

O Sphinx, rem facilem quaeris, amica nimis.

Te tamen a maestis oculis prohibere iubemus

fletum, ne pereat uis aciesque tibi.

Quaerendum ueniet. Metra iam componimus apta,

Conse, quibus monstret mens tua se esse probam.

[Zythophilus]

Dixit amare merum se cantor et addidit aeuo

in prisco generis – crede! – fuisse mei.

Quis sum, cui carae uites nec uina bibuntur?

Quo uixisse loco se putat ille canens?

[Tiberis]

Tiberis Zythophilo s.d.p.

num quis est, qui hunc cantum Vindobonensem non audierit ? Iohannem Moser voce sua non imitabili cecinisse constat: "non fieri potest, quin in vita mea pristina phylloxera (vitifolii) fuerim.. alioquin vinum non ita desiderarem. quam ob rem vinum non bibo, sed mordeo...
id pro certo habeo: me habitasse in vineto prope Vindobonam sito... "

vale !

[Zythophilus]

MARTINVS TIBERI
Qui rediit Tiberis sapiens aenigmata soluit:

Quae cruciat Bacchum, bestia nota nocens.

En, cantatne modos prope Rhenum Consus eosdem

taleque sese animal ipse fuisse putat?

VALE

[consus]

Consus Martino Zythophilo s.

Non ego de vino cantabo carmina Baccho:

Forte mihi zythum praebuit alma Ceres.

Vale.