aenigmata

[Tiberis]

nescio an cogites de Ioanne Urs de Balthasar, qui anno MCML librum de Theresia de Lisieux edidit...

[mystica]

.

[Tiberis]

ecce aenigma musicum:

Quaeritur opus trium instrumentorum lepidissimum, quod musicus illustrissimus quasi inter amicos composuisse fertur. nomen operis ad locum pertinet, qui illis oblectamento fuisse dicitur...

nomen operis?
quis musicus?

[consus]

Gaudeo, mi Tiberis, quod denuo aenigma musicum nobis proposuisti; quod hoc modo puto posse solvi:

Nomen operis? Kegelstatt-Trio, KV 498
Quis musicus? W. A. Mozart

[Tiberis]

Denuo , mi amice spectatissime, musicae quoque artis peritissimum te praestitisti. Gratulor tibi de aenigmate tam celeriter soluto!
hos iuvenes ingeniosissimos illud opus summa arte interpretantes audire nonne iuvabit? :
https://www.bing.com/videos/search?q=kegelstatt+trio&qpvt=kegelstatt+trio&view=detail&mid=4A2C9A87C2986034B1744A2C9A87C2986034B174&&FORM=VRDGAR&ru=%2Fvideos%2Fsearch%3Fq%3Dkegelstatt%2Btrio%26qpvt%3Dkegelstatt%2Btrio%26FORM%3DVDRE

[consus]

Amicis suis illustrissimis sal.
In sepulcro nobilissimi scriptoris, qui saec. XIX mortem obiit, elogium incisum est, quod hoc modo in Latinum converti:
SCRIPSIT
AMAVIT
VIXIT
Quis scriptor?
Ubi situm est eius sepulcrum?

[marcus03]

Marie-Henri Beyle, qui Stendhal nominatur

Montmatre, Lutetiae

[consus]

Marcus legit intellexit solvit, idque admirandum in modum uno eodemque tempore.

[marcus03]

Marcus legit intellexit solvit,

Legi, (brevissime) googlevi, solvi.

[marcus03]

Quaeritur coniugium adhuc non factum.
Ea, quae inter se coniungentur, his diebus alterum ab altero longe distat.
Nomina ducunt ab mytholgia Graeca.

Utra res olim alteram "in coniugium ducet".
Quae sunt harum rerum nomina?
Quod erit coniugii nomen?
Quo fere tempore "nuptiae" fient?

[consus]

Ex tuis verbis, optime Marce, auguror quandam rem atrologicam oculis tuis obversari. Qua de causa hoc tibi modo ausim ad interrogata respondere:
Utra res olim alteram "in coniugium ducet"? > Venus et Mars.
Quae sunt harum rerum nomina? > Stellae errantes.
Quod erit coniugii nomen? > Conjunctio quae vocatur.
Quo fere tempore "nuptiae" fient? > Hoc anno initio m. Martii.
Cf. https://www.waa.at/hotspots/planeten/202203_venus_mars/index.html

[marcus03]

Doleo te errare, mi conse sagacissime.
Illud coniugium constabit ex innumerabilibus stellis.
Fiet permulto temporis peracto.

[Medicus domesticus]

Mihi in mentem venit quidam concursus ... :
Inter se concurrent olim Andromeda et Galaxis ---> Milkomeda.

https://www.nationalgeographic.com/scie ... axys-death

[marcus03]

Inter se concurrent olim Andromeda et Galaxis ---> Milkomeda.

Gratulor.
Hoc est responsum rectum mihique desideratum.

Nunc vocaris ordine ad novum ponendum aenigma.

cf:
https://de.wikipedia.org/wiki/Andromeda ... -Kollision

PS:
Illo tempore sol noster iamdudum gigas ruber fieri coeperit, qui in nanum album postremo mutabitur.
Tempora mutantur et stellae, galaxiae cosmosque totus in iis.

[Medicus domesticus]

Ecce novum:

Sumite litteras primas quattuor siderum Latine expressorum:

_ _ _ _ X

Verbum Latinum etiam novit poeta praeclarus ...