aenigmata

[Medicus domesticus]

Dicam ... Ecce novum!
In libro pulchro hoc aedificium video:

Cicero etiam hanc regionem commemoravit quadam in oratione ...

Ubi?
Quod aedificium?
Quae oratio?

[consus]

MEDICO DOMESTICO sal.
Ne plura scribam, hoc modo puto solvi posse aenigma abs te propositum:
Ubi? Segesta.
Quod aedificium? Theatrum Graecum.
Quae oratio? Cic. Verr. 2, 4, 72sqq.: Segesta est oppidum pervetus in Sicilia...

[Medicus domesticus]

Gratulor Conse, Segestam praeclaram, quam Cicero commemoravit illa in oratione, invenisti.
Et theatrum ...Segestani te salutant!

[consus]

Amicis suis litteratissimis pariter omnibus sal.

Oro vos in rete investigetis imaginem aeri incisam vel chalcographicam qua clarissimus poeta Italus miro modo celebratur:

A sinistra parva in conspectum datur arbor cuius truncus virginis est similis. Ex capite eius manibusque laurei enascuntur ramuli.
Sub radice prostrata iacet Corinthia columna.
Apparet iuxta capitulum Apollinis radiati herma quae non solum Cynthii capite sed etiam lyra exornatur.
Sedet in illa columna poeta amplo amictu contectus tollensque plenus spei caput laureatum ut formosissimam intueatur virginem veste fluitante indutam et sinistra manu porrecta desuper ad se advolantem.
Tota autem scaena luce collustratur quinque stellarum*.

1. Quae arbor?
2. Quis poeta?
3. Quae virgo?
4. Quis verstrum hanc imaginem in rete latentem reperiet?
_____________________________________________________
* Cavete credatis quinque has stellas pertinere ad M5S!

[Exinterator]

Estne pictor Iorgeus De Chirico?

[consus]

Non est De Chirico, optime Exinterator. Est enim aenigma de chalcographia initio saec. XIX facta in Germania ad honorem celeberrimi poetae quem saec. XIV genuit Italia. Decorat imago frontispicio similis eam florilegii cuiusdam partem quae continet illius Phoebi sacerdotis carmina a poeta Germano anno MDCCCIV ex Italico in Theodiscum conversa.

[Tiberis]

Tiberis Sphingi Rhenanae nos miseros supra modum vexanti s.d.p.

quamquam non dubito, quin poeta abs te quaesitus sit Francescus Petrarca, quem Lauram (!) ut artis suae Musam veneratum esse constat, praeterea quin in imagine Daphne conspiciatur, quae in laurum mutata est, imaginem ipsam adhuc invenire non potui..
sed quaerere pergam..

[Willimox]

Amicis suis spectatissimis salutem, Conso litteratissimo p.s. d. B.

O, o, gratias ago, sodales, pro auxilio vestro.








https://books.google.de/books?id=U4jtc2-LnOwC&pg=PA444&dq=August+Wilhelm+Schlegel+Blumenstr%C3%A4usse&hl=de&sa=X&ved=0ahUKEwj8gpPtxe7YAhXEyaQKHaGlCm8Q6AEIOzAE#v=onepage&q=August%20Wilhelm%20Schlegel%20Blumenstr%C3%A4usse&f=false

https://books.google.de/books?id=ZQM7AAAAcAAJ&pg=PA226&dq=August+Wilhelm+Schlegel+Blumenstr%C3%A4usse&hl=de&sa=X&ved=0ahUKEwiAwJL-yu7YAhXFCOwKHaXlCPQQ6AEIKDAA#v=onepage&q=August%20Wilhelm%20Schlegel%20Blumenstr%C3%A4usse&f=false

Illud florilegium - pagina IX imaginem quaesitam praebet - spectatores delectet....



B.

[consus]

TIBERI et BILIBALDO amicis suis doctissimis sal.

Vehementer ego gaudeo quod quasi viribus unitis aenigma solvistis, idque tanta tamque singulari adhibita cura ut nihil addam nisi laudis verba „Uterque vestrum laurea coronetur!“

Legem nunc sequamur Tiberinam quae sancit, ut uterque vestrum „ ius habeat novi aenigmatis ponendi, sed ita, ut nullius aenigma tractetur nisi eius, qui primus novum proposuerit.“

Valete.

[Willimox]

Cunctatus et cunctans - Tiberis ille sagax et litteratissimus maximam partem aenigmatis solvit - sed nunc tamen novum aenigma proponere audeo et salutem sodalibus aenigmatum amantibus dicere volo.

Initio vicesimi primi saeculi pellicula apparuit stupenda: Cuius auctor notitiam quandam paruerat cantando communiter de gallo mortuo. Praenomen eius auctoris in lingua Hungarica invenitur. Nomen familiare in lingua Italica. Hac in pellicula carmen bis cantatur, in initio et in fine, quo opera dei creatoris miranda laudantur (cf. psalmus LXXXV, X).

Subtitulus eius pelliculae sententiam precationis alludit, quam Franciscus pater interpretari et fortasse mutare intendit. In pellicula de sex verbis notis unum (duae litteraein lingua Latina, quinque in lingua nostra) deest.

Nomen auctoris pelliculae?
Nomen carminis?

[Christophorus]

Satis superque auxilii. Gratias ago, benigne Bilibalde.


Auctor: Zoltan Spirandelli
(nomen pelliculae: Vaya con Dios – Und führe uns in Versuchung)

Nomen carminis: Tu solus (Josquini Pratensis, quem - ut opinor - in imagine abs te missa videmus)

[Willimox]

Salve, celerrime et strenue Christophore!
Tibi gratulatio et reverentia profunde.

Nunc te officium vocat

[Christophorus]

Agedum.

Quia habitus novus esse videtur imaginem addere, sit ita!

Videtis cistam cum figura, quae in Germania vocatur "diabolus prosiliens" vel "diabolus cistae capsulaeve", in Britannia autem "Iohannes (vel Iacobus) in cista" - sed diabolus non est (ut intellegi potest)!

In alia terra inveniuntur capsulae minores, in quibus sunt plures "diaboli" (circiter quadraginta) - non re vera diaboli, sed nomine. Mementote, quaeso, diabolum habere plura nomina!

Quis rem explicare potest?

[Christophorus]

in alia terra - fortasse ipsa inter Britanniam et Germaniam sita ...

[Christophorus]

Cogitate, quaeso, "circum angulum" et addite priores indices.