aenigmata

[Willimox]

Gloria tibi, Claudia!

[consus]

Consus Claudiae, sociae litteratissimae, sal.
Gratulor tibi de aenigmate ab omni parte soluto. Nunc te vocat ordo. - Hawthorne librum scripsit quem etiam proinde ac itinerarium urbis Romae in manum sumere possis.
Vale.

[ClaudiaK]

Gratias, Conse, tibi ago quod istum librum ad reperiendum dedisti cuius argumentum me delectabit et quod lectum iri promitto. Saeculo XIX scriptores faunos ita amavisse videntur, ut fabula a te quaesita non sola esset, in qua de fauno actum est. Carmen enim francogallicum poetae Mallarmé, quod est De tempore postmeridiano cuiusdam Fauni ( francogallice L'après-midi d'un faune) praeclarum et dignum, quod legitur, mihi in mentem veniebat.

Sed nunc ecce novum aenigma:

Quomodo satorum et arbustorum lentus motus dicitur cuius causa aliquod incitamentum ut sol, aut lumen aut tactus potest?
Scriptrix francogallica suo in libro huius nominis termino technico quaesito usa est et in motus animi transtulit.

Qui terminus technicus biologicus ?
Qui titulus libri?
Quae scriptrix?

[consus]

Consus Claudiae, Sphingi versutissimae, s. d. p.
Pertractanti mihi semel iterumque aenigmatis tui verba hoc modo ad interrogata tua liceat respondere:
Aenigma videtur esse de tropismo.
Nathalia Sarraute librum composuit qui inscribitur Tropismes.
https://upload.wikimedia.org/wikipedia/en/c/cd/Tropisms_cover.png

[ClaudiaK]

Tibi gratulor, Conse benigne, aenigma solvisti, nunc es denuo Sphinx
cuius capillamentum aestate caldissimum est

[Tiberis]

Quae tibi, Conse, mora est? nova quae tibi causa tacendi est?
Nonne aenigma novum iam tandem ponere debes?

[consus]

Gratias tibi ago, mi Tiberis, quod leniter me ad proponendum aenigma hortatus es. Libenter tibi obsequor.

[consus]

Paucis verbis vobis, optimi amici, explicare velim qualis ad hoc tempus vitae meae fuerit cursus. Natus sum Athenis. Quadam arte primum in hac urbe eruditus sum, deinde Petropoli. Eruditione confecta multos annos artem exercui in Sibiria. Abhinc quattuor annos primum etiam Iuvavi prodii in publicum. Quis sum? Qua arte excellere dicor?

[marcus03]

Teodor Currentzis
Moderator est musicorum et actor et musicus ipse.

https://de.wikipedia.org/wiki/Teodor_Currentzis

[consus]

Mehercule, Marce, ocius fulmine aenigma solvisti. Te musicum puto esse.

[marcus03]

Te musicum puto esse.

Doleo te valde errare. "Googlicus" tantum sum.

Ordine vocatus hoc propono aenigma novum:

Undae similis moveor, sed aspici non possum. Multum temporis ingensque impensa opus erat ad demonstrandum me esse. Qui me esse probaverunt summa laude summoque honore affecti sunt.

Quid sum?
Qui me indagaverunt?
Quo honore affecti sunt?

[ClaudiaK]

Cum sis rerum physicarum amator, haec forsitan est solutio:
Non est lux, quamquam lucis est undae similis movere. Sed invisibilis non est.

Sonus quoque non est etiamsi dua officia exsequatur: Undae enim similis movet et aspici non potest.
Sed tertium non convenit: Quod autem in mundo esse comprobare multum opus non erat, quia aures nostri sonum accipiunt.

Nemo dubitat quin lux et sonum in mundo sint, sed neutrinum est particularia elementaria quam in mundo esse nemo usque ad MCMLIX comprobaverat, nemo nisi Cowan und Reines quorum ultimus anno MCMXCV Praemium Nobelianum physicae accepit.

Quid sum? Neutrinum
Qui me indagaverunt? Cowan et Reines
Quo honore affecti sunt? Praemium Nobelianum physicae

[consus]

...
Undae similis moveor, sed aspici non possum. Multum temporis ingensque impensa opus erat ad demonstrandum me esse. Qui me esse probaverunt summa laude summoque honore affecti sunt. ...

Hmm, legi quidem, Marce, id quod Claudia nostra argumentis confirmatum scripsit, tamen contra ausim dicere; nam nescio qua de causa suspicor tibi ante oculos obversari undas quae dicuntur gravitationales (hoc loco imitari mihi liceat verba Italica onde gravitazionali). Indagatae sunt anno MMXVII 2017 a Rainero Weiss, Barry Barish, Kip Thorne. Qui honorati sunt Praemio Nobeliano.
Quis nostrum recte dicit?

[marcus03]

Neutrinum non sum, sed unda quaedam, quae vocatur.

undas quae dicuntur gravitationales

Me acu tetigisti, mi conse optime, etsi tangi non possum.

[ClaudiaK]

Tibi gratulor, conse,
omnibus hominibus non honoratis me recte non dicere iam suspicata sum.