aenigmata

[medicus]

Multis in terris nani cervisiam coquentes inveniri possunt:
https://www.google.de/search?q=Zwergenb ... YRwKnIC6bM:

[Zythophilus]

Dolia Bambergae nanos cito uoluere constat,

et facere hos latices, quos caua dolia habent.

Palma tibi danda est, ut saepe fit, optime Conse;

ne perparua quidem gens aliena tibi est.

[medicus]

Bambergae nani quidem optimum cervisium coquant, quod hic cantus demonstrat:
https://www.youtube.com/watch?v=FU-DBwdPjh8

[consus]

...ne perparua quidem gens aliena tibi est.

... neque id mirum est, o Zythophile; scio enim te anno MMXV, nisi fallor, Bambergae fuisse, et quod ad me ipsum attinet, pumiliones mihi quoque noti sunt; natus enim sum in colonia Agrippinensi, ubi nani multis olim fabris auxilium tulisse dicuntur...
Cum rete pervagarer, et hoc repperi:

[Zythophilus]

Sedula nanorum gens esse uidetur et audax.

Gratior est nanus, crede, dracone mihi.

[consus]

Amicis suis illustrissimis sal.
Nuper regionem saxosam pervagans raram vidi avem velociter volantem; qua conspecta recordatus sum huius avis nomen nostris temporibus impositum esse rei aeque rapidae. Quae per terram tanta se movet celeritate, ut intra quattuor horas iter CDXX fere milium p. conficiat. Hac re quam oro vos investigetis duae urbes magnificae in Europa sitae efficacissime inter se coniunguntur.
Quae res? Quae urbes?

[Sokrates]

Num illo apode Monachium (ut ita dicam) cum Mediolano coniunctum erat? Quo modo nescio an etiamnunc sint iunctae urbes.

[consus]

Non es assecutus solutionem, mi optime Socrates. Cave neglegas haec verba: intra quattuor horas iter CDXX fere milium p. Duae illae urbes de quibus aenigma est meum inter se distant CDXX fere m. p.!

[Christophorus]

Puto urbes esse arcem Sancti Petri et caput Russiae nomine Moskau.

Res est Sapsan (Falco peregrinus).

https://de.wikipedia.org/wiki/Sapsan

[consus]

Gaudeo, mi Christophore, quod in totum aenigma solvisti.

[Christophorus]

Quaeritur verbum et quasi signum mortis animalium.
Si littera subtrahitur, habemus verbum, quod etiam significat mortem quorundam animalium, sed etiam parcitur aliis animalibus.

Dicite, quaeso, ambo verba.

[Tiberis]

verba tua confusiora sunt, quam ut intellegi possint. quamobrem abs te peto, ut haec explanes:
a) nonne verba quaerenda sunt Latina?
b) si ex eo verbo, quo mors animalium significatur, una littera tollitur, num id quoque, quod reliquum est, eorum mortem significabit??
c) qui potest fieri, ut unum verbum et mortem animalium significet et absentiam mortis ? (>parcitur)

[Christophorus]

verba tua confusiora sunt, quam ut intellegi possint.

immo vero fortasse obscura, sed non confusa -

a) nonne verba quaerenda sunt Latina?

Non sunt. Sed ne iram tuam magis aequo incendam, dico: Inveniuntur in libro isto Conradi Duden, sed non sunt Germanae originis. Primum verbum sex litterarum est.

b) si ex eo verbo, quo mors animalium significatur, una littera tollitur, num id quoque, quod reliquum est, eorum mortem significabit??

Ita est. Sed vide infra ..

c) qui potest fieri, ut unum verbum et mortem animalium significet et absentiam mortis ? (>parcitur)

Potest, nam non agitur de iisdem animalibus vel generibus animalium (parcitur aliis animalibus)

[consus]

Solvere quis nostrum, mihi dic!, aenigma, sodalis,

Hoc poterit? Nobis, te precor, affer opem!

[Christophorus]

Longius verbum secundum Duden originis Francae vel Gallicae est, brevius Arabicae (!).

Et verbo longiore fere modo certae personae animalibus mortem parantes utuntur. Non est pars sententiae, solum stat.