aenigmata

[Tiberis]

trinasne pulsat quisque chordas malleus?
si ita est, videtur esse clavicymbalum.
neque hanc tamen te quaesiisse rem puto
- nam difficultas quae sit huic aenigmati? -.
quid ergo? ut explices, peto, accuratius
tibi quod obversatur, o Sphinx optima!

[consus]

... ut explices, peto, accuratius
tibi quod obversatur...

Libenti, mi Tiberis, animo morem tibi gero. Ecce:

Construxit instrumenti vir sollers novum
Genus: pulsatis malleo chordis sonos
Audimus grandes: protenus mentes movet
Effectus instar campanarum consonans.

[medicus]

Salve conse,tibine ante aures sonat instrumentum nomine Germanico Gralsglocke?

[consus]

Ita est ut scribis, optime Medice. Ex primis versuum litteris, id est ex acrostichide efficitur quattuor ordo sonorum qui illius instrumenti sunt proprii: C - G1 - A1 - E1. Nunc ergo te vocat ordo noster.

[medicus]

Salvete, collegae prudentissimi, propono aenigma geographicum:

Est insula, quae trahit nomen a radicibus dependentibus.
Quae insula? Quae radices?

[Tiberis]

o medice,medice…
quamvis aliqua gloriar scientia rerum geographicarum, in tanta insularum copia tamen est difficile hanc unam invenire, quae, ut dicis, nomen cepit a radicibus dependentibus. quam quidem suspicor esse sitam in regione aequinoctiali; sed ea suspicio quid prodest, dum de nominis lingua sim incertus? quamobrem facere non possum, quin aliquantulum auxilii abs te petam. mitem Sphingem te praesta et clementem!

[medicus]

quam quidem suspicor esse sitam in regione aequinoctiali

Ita est. Illi Insulae magnae nomen est de lingua Latina! Illae radices dependentes similes sunt caesariēi.

[Tiberis]

Insulae magnae nomen

num Barbados est Insula magna?
quae insula ita appellata esse dicitur, quod ei, qui eam repperit, radices ficorum barbas vel homines barbatos in memoriam revocaverunt.

[medicus]

Ita est,Tiberis, tu rem optime solvisti, qui peritus sis rerum geographicarum

[Tiberis]

Tiberis amicis linguarum peritissimis sal.

quaeritur verbum, quod in pluribus invenitur linguis. quod verbum semper ex iisdem litteris constat, dummodo Latinis litteris utamur. quin etiam locutione inter illas linguas nil fere interest. tamen - quod erat exspectandum - hoc verbum in alia lingua aliud valet:

nam significat in lingua A sonum, in lingua B manum, in lingua C lineam vel ordinem, in lingua D partem montis.

(nescio an hoc verbum in aliis quoque linguis inveniatur…)

quid verbum? quae linguae?

[consus]

Consus Tiberi amico suo ingeniosissimo s. d. p.
Excogitasti aenigma hercle singulare, gratulor.
Divino quasi instinctu concitatus coepi a lingua Hungarica ("Egy hangot se !") : Nonne eam linguam calles?
Aenigma videtur esse de vocabulo HANG.
A: lingua Hungarica: sonus - hang
B: lingua Theodisca qua Bernae incolae utuntur: manus - Hang
C: lingua Sinensis: linea - hang ( 行 háng)
D: lingua Theodisca: pars montis – Hang
Quod vero ad linguam B pertinet, me paullum animi pendere fateor.

[Tiberis]

kedves barátom, nem tudok magyarul beszélni, de tanulom ezt a szép nyelvet..
bene me nosse videris: quamobrem non miror, quod hoc quoque aenigma excellenter solvisti.
gratulor!!!

[medicus]

Plus HANG inveni:
-Est instrumentum musicum:
https://www.youtube.com/watch?v=QYWKviGlo6I

-hang ( lingua Britannica)--> architektonische Lage ( hanc vocem vertere non possum )

[consus]

Nonne illius instrumenti nomen HANG, optime medice, ductum est a vocabulo HANG quo incolae urbis Bernae id significant quod apud nos Germanos HAND appellatur?

[medicus]

Recte dicis, conse optime, ergo nil novi invenisse me paenitet.