aenigmata

[Apollonios]

in urbe quæsita docebat magnus nostri ævi philologus, peritissimus linguæ græcæ.

[consus]

Rem puto ad urbem Hamburgum pertinere...

[Apollonios]

ita est, amice sagacissime!

[Apollonios]

ædificium quæsitum coniunctum negotiis.

[consus]

Salve, Apo, amica mea Berolinensis!
Equidem verbis tuis benignis adiutus aenigma pertinere ad Collegium Mercatorum puto Hamaburgense. Cuius aedificii frons duobus ornata est simulacris nostra aetate factis, quorum utrumque nudam deam repraesentat hominibus circumdatam, qui variis dediti videntur esse artibus. Altera dea Diana, altera Hammonia, cuius in tutela urbs Hamburgum, utraque specie sane venusta. Θαῦμα ἰδέσθαι. Artifex Waldemar Otto. Simulacra in summo aedificio collocata a. MMV. Utinam recte iudicem...
Bene et feliciter.

[Apollonios]

recte iudicas, amice sagacissime!
http://www.bildarchiv-hamburg.de/hambur ... index4.htm

nota bene: duæ videntur noctuæ inter homines Dianen circumdantes (cuius una visibilis in photographema).

[consus]

Machina parva mihi*, solido constructa metallo,

Quam memorat scriptor rem ratus esse probam.

Quae machinula?
Qui scriptor?
Quo in opere?

________________________________________
* Exemplar meum numero notatum est 5338845 .

[Apollonios]

Paulus Auster narrationem scripsit de sua machina scribendi nomine Olympiae, quem utebatur ex anno MCMLXXIV:
De mea machina scribendi historia / The Story of My Typewriter

[consus]

O Sphingem me miseram!
Hmmm, Apo. Quid faciam? Est quidem machinula sciptoria, recte iudicas, neque tamen – pro dolor – illa Olympia, sed alia… Exemplar meum inscriptum est "5338845 SUISSE", cui non minus quam illi nomen est mythicum. Utcumque se habet res, victoriae te palma dignam esse censeo. S. t. s. b.

[Apollonios]

Salve, Apolloni! Salve, Tiberis!
Utrique vestrum aenigma licet proponere novum. Quid aliud? Duo ergo simul nobis propediem perplexa immineant aenigmata.
Feliciter valete.

quamquam ænigma solvi, censeo nunc Tiberim nostrum vocatum esse cuius sagacitas solvit maiorem partem de Frederici Voltariique ænigmate.

[consus]

Addendum. Ante oculos illa mihi obversabatur machinula scriptoria, qua usus est Homo Faber:
http://www.swissinfo.ch/ger/index.html?siteSect=108&sid=6171190&cKey=1130915788000

[Tiberis]

censeo nunc Tiberim nostrum vocatum esse

salve Apolloni, salvete amici pariter omnes.

ecce novum aenigma meum, quod a vobis brevi solutum iri puto..

„Gutta cavat lapidem.“ tam grandis facta caverna est,

parva ut ferrivia cuncta videnda obeas.

primi illuc medio peregrini aevo veniebant,

perspicerent ut aqua saxa fluente cava.

vivit et hic animal mirum, simile est salamandrae,

« piscis humanus » habet nomen hoc indigenum.

quae caverna ?
nomen Theodiscum animalis?

valete!

[consus]

Salve, mi optime Tiberis, amice geographiae peritissime!

Interrete consulto aenigma ad celeberrimam illam pertinere puto cavernam Postumianam, cui Theodiscum est nomen Adelsberger Grotte. Et quod ad animal illud admirabile attinet, nonne est Proteus anguinus, Theodisce Grottenolm?

Res iterum didici miras tua verba retractans.

Vocibus ex capio gaudia multa tuis.

Quid ergo? Et prodes tu et delectas...

[Tiberis]

Res iterum didici miras tua verba retractans.

Vocibus ex capio gaudia multa tuis.

in tantis blanditiis timeo, ne erubescam, mi optime amice..
quid plura? aenigma, ut abs te fieri solet, perfectissime solvisti.
ceterum de pisce illo, qui dicitur humanus, haec legimus:
http://www.google.com/imgres?imgurl=http://olmweb.de/Bilder/grottenolm.jpeg&imgrefurl=http://olmweb.de/Sides/Grottenolm.htm&h=188&w=276&sz=19&tbnid=abyOy9nH80TM9M::&tbnh=78&tbnw=114&prev=/images%3Fq%3Dgrottenolm&usg=__cnrTsDGxKuRAcFnkRmEvAJCt1xY=&ei=JbUaSuv1IMuN_Qbg7_iBDQ&sa=X&oi=image_result&resnum=5&ct=image

[consus]

Consus amicis suis pariter omnibus sal.
In quodam libro anno MDCCLXXXIV Traiecti ad Rhenum edito facetissimum hoc inveni epigramma:

Dum culta incedis, maior mihi, Thecla, videris,

Quam fuit Alcmene, quam fuit Andromache.

Stringere cum nudam volui, tunc coprore maius

Deplumata tuo xxxxxx corpus habet.

xxxxxx] Quam vocem inserendam esse censetis?