aenigmata

[Zythophilus]

Nil, Tiberis, fateor, nil te fugere, optime. Verum est.

Lex te nostra iubet quaerere: Quaere nouum!

[Tiberis]

Tiberis amicis suis s.p.d.

gemmeus est positus globus aede sacra pretiosus,

maximus hic generis dicitur esse sui;

terram fingit opus, summa quod fulget in ara.

nomen sive genus dicite nunc lapidis.

a) nomen lapidis (ut supra quaesitum)?
b) nomen aedis sacrae ?
c) qua in urbe?

[consus]

Illa latet, Tiberis, quamvis sit lucida, gemma:

Heu! quo tecta loco, nescio prorsus ego.

[Tiberis]

Sphinx ego mitis ero, tenebris ne longius erres:

sancti de statua percipe pauca viri,

illic qui colitur: nam ut possent magna tributa

solvere, fuderunt materiam statuae.

nostra aetate superficies micat effigiei,

quondam quae argento facta erat ex solido.

[Laptop]

Salvete sodales. Vobis aenigma praebere velim. Potestin invenire illud verbum latinum, quod sic definiam: qualitas est, qua quis se ostendit (se dat), vel corpore (specie, positura), vel mente (moribus, animo), vel actione?

[consus]

Consus Tiberi amico suo Austriaco s.d.p.
Est locus in terris: Ignati continet ossa.

Lapide caeruleo ...

[Reliqua desiderantur.]
Utcumque se habet res, versibus tuis politissimis lectis aenigma hoc modo solvi puto posse:
a) nomen lapidis (ut supra quaesitum)? lapis caeruleus, qui Italice lapislazzuli appellatur.
b) nomen aedis sacrae ? Templum Sanctissimi Nominis Jesu, quod Italice vocatur Il Gesù sive Chiesa del Santissimo Nome di Gesù all'Argentina.
c) qua in urbe? Romae.

[Tiberis]

scire equidem potui tibi docto difficile esse

nullum aenigma meum. gratulor ex animo !

[consus]

Ecce aenigma et mathematicum et historicum:

Quaero tres numeros: novies sex summa, sodales.

Infaustos maerens Roma putabat eos.

Oro vos rem enodetis.

[Catilina coniuratus]

Savete, amici,

id aenigma temptare vix audeo, sed tamen iocosus velim.


42 (eo tempore bellum Philippicum evenit)
+
9 (illa P. Quintilio Varo clades in silvis Germanicis imposita)
+
3 (tres Dirae sunt : Allecto, Megaera, Tisiphone)
=
54



VALETE!

[consus]

Coniurate procax, error te prendit acerbus.

Continuos numeros dic, Catilina, mihi!

Haud procul a vero – stupeo - versaris, amice:

Tertia pars solida est – utere mente tua!

His peditum numeris signavit Roma catervas,

quos rapuere viros fata cruenta probos.

[Catilina coniuratus]

Me miserum!

Nonne ultimum a me indictum ad detrimentum trium legionum pertinet?


Res multas volvens nihil ingenii conservo.
Quae supra suades, nunc studeant alii.

[consus]

trium legionum

Rectissime dictum, Catilina! Sed oro te earum dicas et numeros.
Cf. http://www.uni-saarland.de/fak3/fr39/Caeliusstein/Bilder/Caelius.JPG

[Catilina coniuratus]

Ad extremum intellego, quare tu, Conse, continuos numeros commemores. Cohaerentiam unius rei video. Nam Romani eo proelio tales tres legiones amiserunt, quas nos noscamus XVII., XVIII., XIV. Sine dubio summa horum numerorum LIV est.
Ignosce - quaeso - mihi mentisque caecitati!

Quam pulchrum atque callidum aenigma!

[consus]

Gratulor, Catilina.
Bello Variano occidione occisae sunt, ut scribis, legiones XVII, XIIX (XVIII), XIX. Quarum castra posita erant in Germania Inferiore (Castra Vetera / nostra aetate Birten - Xanten; ad oppidum Ubiorum, nostra aetate Köln).
Cf. http://www.e-latein.de/phpBB/viewtopic.php?f=16&t=27969&p=215975#p215975
Secundum legem nostram novum nunc tibi licet proponere aenigma.
Bene vale.

[consus]

Pax vobiscum! السلام عليكم
Ecce novum aenigma, quo solvendo tot tantisque laboribus defatigatos vos paullulum recreatum iri spero. In quodam libro haec lego verba:
Cum ego, XXX, et Gabriel venissemus ad celum septimum supradictum, invenimus, quod ipsum totum erat de rubino clariori et rubicundiori, quam dicere aliquis homo posset. Habebat enim in spisso iter quingentorum annorum. Et tantumdem inter ipsum et octavum aliud celum erat. Gabriel autem veniens ad portam vocavit hostiarium. Et incontinenti venit ad nos quidam angelus, quem nemo, quails esset, recitare valeat excepto solum Deo, qui ipsum fecerat et crearat. Ipse namque angelus nobis portam aperuit et intravimus.
1) ... ego, XXX: Quis?
2) Libri titulus?