aenigmata

[medicus]

Hic lego illum fungum a Romanis trans Alpes ablatum esse.
https://de.wikipedia.org/wiki/Kaiserling

[marcus03]

ablatum esse.

Num ex illo tempore ultra Alpes non iam crescit?

[Zythophilus]

Colligere hunc fungum decreto, Marce, uetaris

nec sunt hoc medici nomine, Marce, cibi.

[Tiberis]

utrique quodammodo palmam tribuendam esse censeo: et medico nostro, ut qui prior de fungis cogitaverit, et Conso amico, qui fungo reperto aenigma féliciter solverit. quid igitur? cum uterque dignus mihi videatur esse, qui novum proponat, is quidem iusta causa faciet, qui prior aenigma proposuerit.

[medicus]

Gratias ago pro palma, quamquam tantum dimidam partem aenigmatis solvi.
Ergo mihi de aenigmate novo deliberandum est,valete!

[medicus]

Ecce novum: Vidi miraculum quoddam. Erat artificium impenso pretio, quod delevit se ipsum.
Ubi et quo modo factum est?

[Christophorus]

Certe quaeris tabulam "Puella follem gerens" artificis Banksy.

Ea heri Londinii se ipsam destruxit, quia in margine laminae abditae erant.

https://www.morgenpost.de/vermischtes/a ... elbst.html

[medicus]

Gratulor, aeigma recte et celerrime solvisti, erat actio hesterna mirifica.

[Christophorus]

Quaeritur (paene) idem praenomen duarum linguarum. In alia lingua a rege vel imperatore vel homine eius gradus deducitur, in alia a filio.

[Christophorus]

Nomina inter se differunt signo supra primam vocalem scripto.

[Christophorus]

Inveniatis aliud nomen praecipue in terra boreali,aliud in terra orientali.

[Tiberis]

eheu! in tanta praenominum copia qui potest fieri, ut illa abs te quaesita inveniamus? Facilius mehercle acum in faeno latentem reperiemus! cum duas fere horas frustra insumpserim in hac re investiganda, quid restabit nisi ut hastam abiciam?

[Christophorus]

Vae. Duo auxilia:

Sunt utrique nomini quinque litterae:

consonans - vocalis - consonans - (paene) eadem vocalis - consonans


Nolite oblivisci unum nomen imperatorem significat. Titulus nobis non ignotus quasi pars nominis est.

[medicus]

Sunt septem milia linguarum in mundo, et multitudo nominum numerari non potest

[Christophorus]

Ita est. Sed non sunt tot terrae boreales.
In terra boreali etiam nonnullis regibus nomen quaesitum erat, quamvis in ea lingua non regem, sed filium significet (fortasse filium regis ) .