aenigmata

[Tiberis]

Habetne sedem in Helvetia vectigalium causa?

id ita esse non puto, praesertim cum societas, licet sedem habeat apud Helvetios, in alia terra in tabulas relata est.

[medicus]

Estne ille vir Henri Nestlé? Sed sedem in cellula non habuit

[Tiberis]

Sed sedem in cellula non habuit

ex quo apparet eum virum quaesitum non esse. praeterea scripsi: "sedem NUNC in Helvetia habet".
ex quo apparet urbem quaesitam non in Helvetia inveniri.

[medicus]

Iam coepi hanc tabulam quingentarum societatum maximarum Helvetiae perscrutari:

https://de.wikipedia.org/wiki/Liste_der ... er_Schweiz

[Medicus domesticus]

Hastam abieci! Septimana praeterita nimis arcana ambiguaque sunt adhuc auxilia...Fortasse unus ex sodalibus aenigma solvet...

[Tiberis]

Hastam abieci!

quod vehementer doleo, Medice doctissime.
eo magis, quod urbs quaesita ne CD quidem chiliometra (scil. linea directa) a patria tua abest.

[Zythophilus]

Florebant soleis fabricandis moenia quondam.

Nunc prope te sedes, clare Lemanne lacus.

Te, Tiberis, fabricam solearum a fratribus Bata in oppido Zlín conditam quaesiuisse existimo. Fortunis ibi post bellum ereptis sedes in Heluetiam translata est.

[Tiberis]

abiciant hastas alii, tibi nunc patefacta est

urbs ,quae nota suis ante fuit soleis.

[Medicus domesticus]

...eo magis, quod urbs quaesita ne CD quidem chiliometra (scil. linea directa) a patria tua abest.

O di immortales! Et ego hastam abieci! Zythophilus noster autem est "unus ex sodalibus", qui solvit aenigma

[Zythophilus]

Cuius nomen habet, mihi raeda requiritur, annum.

Raucisonis ueteri est addita fama modis.

[medicus]

Non dissita est illa urbs Zlin a patria Zythophili
https://www.google.de/?gws_rd=ssl#q=zli ... 0198868450

[Tiberis]

Cuius nomen habet, mihi raeda requiritur, annum.

indicem veterum (vel classicarum) raedarum cum pervolutassem, nullam inveni, "cuius nomen habet annum". nonne id ita intellegendum est, ut annus certus pars sit nominis?

[Zythophilus]

Quale sit, haud nescis, nomen, sed dest tamen ipsum.

Sunt trans Oceani facta uehicla fretum.

[consus]

ZYTHOPHILO s. d. p. C.

Forsitan huic raedae nomen sit Tucker, amice,

Anni cui numerum fortiter adde brevem:

Tucker '48.

[Tiberis]

raedas cum bene noverim vetustas,
raedarum veterum peritiorem
te , doctissime Conse, praestitisti.