aenigmata

[Tiberis]

Denuo tu, sagacissime amice, rem perfecte solvisti. Gratulor!

[Christophorus]

Gratias.
Quis est, qui pedilusorem illum praeclarum non noverit.

https://www.globalatlanta.com/wp-conten ... crates.png

[Christophorus]

Puer olim ab amicis verbis duobus Latinis quasi praenomine nomineque familiari appellatus est.
Ea verba a nomine tabernae deducta sunt una autem littera mutata itaque non iam inter se congruebant.
Hodie puer vir senior praeclarus est secundo verbo fere omisso ...

[Christophorus]

Vir quaesitus est cantator, caput chori, philanthropus, sed etiam rebus politicis oeconomicis studet.

[Tiberis]

Christophoro suo sal.

ni fallor, nomen viri abs te quaesiti est Paulus David Hewson, musicus Hibernianus, notus praecipue nomine "Bono". quem condiscipuli Bonam Vocem appellavisse dicuntur propter eximiam vocem eius. Bonavox etiam tabernae nomen fuit, in qua instrumenta venibantur, quibus facultas audiendi augetur.

[Christophorus]

Ita est, mi optime Tiberis!

[Tiberis]

Amicis litteratissimis sal.

Poeta quidam saeculi XX. haec fere scripsit:

Futura Germanorum egone nuntiem,
quae cum columnae sponte fulciant duae?
Industria Teutonica stat altera:
res parsimonia creat praestabiles.
Sed altera est columna liberalitas,
industriae quae cum vias monstret suas,
non somnio in tantis caret negotiis.

quis poeta?
quibus verbis carmen inscriptum est?

[consus]

Summo labore mentem torquens nescio
Poeta quisnam carmen illud scripserit.
Sphingem te praestes iam nunc clementem precor.

[Tiberis]

Praeter modum ne torqueatur Oedipus,
hoc additur: qui natus est in Austria
et mortuus , quaerendus est homo tibi.

[consus]

... natus est in Austria
et mortuus , ...

Nescio qua de causa, mi optime Tiberis, animo tibi obversari puto Georgium Kreisler, neque vero usque ad hanc horam illos inveni versus quos tam polite in Latinum convertisti...

[Tiberis]

Georgius non est poeta quaesitus.
qui scripsit illud carmen, ante erat iudex.
bis praefuit scaenae deinde praeclarae.

[Christophorus]

Tiberis auxilio benigni adiutus haec scribo:

Poeta est Antonius Anser (Wildgans), carmen est nominatum "Von deutscher Zukunft".

http://ingeb.org/Lieder/vondeuts.html

[Tiberis]

perfecte aenigma solvisti, mi Christophore! gratulor! nunc denuo te vocat ordo.

[consus]

Me quoque scitote, optimi amici, Christophoro nostro ex animo gratulari de aenigmate feliciter soluto , sed facere non possum, quin aperte confitear me, quamquam a Tiberi benigne adiutus essem, tamen – o indignum facinus! - quendam heri pilae lusum paulisper aenigmate potiorem duxisse...

[Tiberis]

confitear me – o indignum facinus! - quendam heri pilae lusum paulisper aenigmate potiorem duxisse...

quam rem benigne ignoscimus. certamina
nam calcitronum et Sphinx libenter aspicit.