aenigmata

[Willimox]

Minime caecus es, difficile cognitu:

[medicus]

Gratias ago, Thrasybule, amphoram quaesiveram

[consus]

...Mihi deest tempus novum aenigma ponendi.
Qui igitur hoc sibi vult is - quaeso - scribat ad delectationem nostram.

Oro vos, amici doctissimi, ne haec neglegatis Thrasybuli nostri verba...

[Tiberis]

amicis suis litteratissimis sal.

Nuper amica quaedam librum plus D paginarum mihi donavit, qui est de viro linguarum peritissimo ( cui propositum erat omnes scire linguas gentium, quae oras maris mediterranei colunt): qui, cum multos annos apud Tergestinos aedes possederit editorias, in patriam suam redit, ubi avunculus domum hereditate ei reliquit...

Inscriptio libri?
Nomen scriptoris?
nomen illius viri?

[marcus03]

1. Verborum pondus (Das Gewicht der Worte)
2. Pascal Mercier
3. Simon Leyland
(4. domus editoria: Hanser/"Deus-clementior" (comparativus praenominis nominis Hebraeici )

https://www.spiegel.de/kultur/literatur ... 97e8ddcdb2

[marcus03]

Fortasse ego quoque librum eligam ex tabella "optime-venditorum".
T. adhuc non confirmavit, an recte cubem.

[Tiberis]

fulmine ociorem te praestitisti in hoc aenigmate solvendo. gratulor!
nunc ordo te vocat, optime Marce.

[Tiberis]

cur, Marce, cessas? nonne sunt tuae partes?
desiderat sodalitas novum aenigma !

[marcus03]

De hoc deliberetis aenigmate non difficiliore, quod solvatur:

Vir quidam mihi narravit sibi receptaculum aquae LV chillogramma pendens esse.
Aliquid inusitatum se addidisse, quo receptaculum levius redderetur.
Quid ille vir addidit?

[consus]

Hac hora nondum video rem de qua tuum est aenigma, optime Marce, sed nescio quomodo suspicor cogitare te de principio quod vocatur Archimedeo sive de vi allevationis hydrostaticae…

[marcus03]

De re multo simpliciore agitur. Quae res est et eadem "res" non est.

[mystica]

.

[marcus03]

"Res" quaesita tangi non potest.

[Tiberis]

miror de ponderis numero (LV). nonne nota "I" addita fieri potest, ut pondus minuatur? (LV > LIV)

[marcus03]

Numerus nullius est momenti. Quemlibet numerum sumere mihi licuisset.
Indicium proximum:
Quo plus rei additur quaesitae, eo levius redditur illud receptaculum.