aenigmata

[consus]

Consus Christophoro suo sal.
Casu secundo repperi nomen HAKAN* (vel HAKON). Non solum nomen est multorum regum qui in Scandinavia regnabant, sed etiam praenomen quod Turcis placet (ut exemplo utar: Hakan Çalhanoğlu, pilae lusor).
Vale.

______________________________________________________
* Vel potius Håkan (ut exemplum proferam: Håkan Röde, rex Suecorum).

[Christophorus]

Ita est, mi Conse!
Nomen Hakan cognatum est cum titulo Khan.
Timeo Danaos et donuts ferentes.

[consus]

Etiam hoc aenigma vos, amici spectatissimi, mox soluturos esse spero:

In aetate quae a nobis media vocatur coniunctio trium communitatum religiosarum insolitum sibi imposuit nomen; non solum compositum est ex primis litteris nominum trium urbium in quibus illae communitates habitabant, sed etiam in lingua orientali quandam graviter redolentem significat radicem qua interdum cibi condiuntur.

Quae urbes?

[Christophorus]

Fortasse quaeritur societas Iudaeorum nomine SchUM? Urbes sunt Noviomagus Nemetum vel Spira (Speyer), Borbetomagus vel Wormatia (Worms) et Mogontiacum (Mainz).

[consus]

Magnam denuo tibi, o Christophore, comparasti laudem quod sine ulla ut videtur difficultate tres illas urbes repperisti Rhenanas quarum coniunctio verbo Hebraico שׁוּם (sch-u-m; id est allium) significatur.

[Christophorus]

Nunc novum, priori meo simile, sed - ut opinor - facilius.

Quaeruntur duo nomina, alterum feminae, alterum viri.

Femina est mater quasi orientalis hominibus religiosis orientis occidentisque non ignota.

Vir est fictus homo borealis antiquorum temporum et multorum vitiorum.

Nomina sunt quinque litterarum. Si secundam litteram paulum permotes, nomina paene eadem sunt.

[Christophorus]

Vir fictus est vir pictus - borealis!

[consus]

Femina virque tuos celant sua nomina amicos:

Praebe te facilem suppetiasque veni!

[Christophorus]

Vir borealis certe plurimis notus - barbarus, barbatus, cornutus, piger, et tamen semper risum movet.

[medicus]

Estne ille vir Hägar et femina Durga, an erro?

[consus]

Nonne femina videtur esse Hagar?

[Tiberis]

in eo cum medico nostro consentio, quod scripsit virum fictum esse Hägarem. sed feminam puto esse Hagar, matrem Ismailis.
(modo video Consum denuo priorem rem solvisse... )

[consus]

HÄGAR: O di immortales! Cum de aenigmate solvendo cogitarem oblitus sum Christophoro nostro comicos libellos ex imagunculis depictis compositos valde placere...

[Christophorus]

Quid nunc? Alter sodalium dixit virum, alter feminam?

[medicus]

Cum vir facile inveniri potuerit et feminam falsam effoderim, palmam conso prudentissimo tribuendam esse puto.