aenigmata

[Molly]

o quietudo, me deseruisti.
numquam verbum invenibo.
etiam cum auxilio verba frustra venaror.
peius quam primo....
sine spe
tibi,
Molly

[Apollonios]

Molly mi, non te sine spe manere volo.
ista quam quæres est lectulus frigidus vel domus parvulus.

[Molly]

quod? quomodo?
quaerone lectulum frigidum? aut domum parvulum?
o di!
estne unus indaginum scientior, sapientior, callidior?
quis hoc solvit?

[Molly]

hodie herbas emens in horto crocos et narcissos vidi, qui pulcherrime e cepis crescunt. Estne verbum quaesitum cepa, quae hodie in Italia cipolla nominatur?
cepae sunt enim lectuli frigidi et domus parvuli et quis has praeparat, semper flet.
alia non indagavi.

[Apollonios]

Molly mi -

lignea est et bis nemini datam. opto ut tibi et omnibus amicis diu non detur!

[Molly]

eheu, Apolloni,
estne ultimum cubiculum hominis, e quo non iam abimus?

[consus]

Salvete, amici carissimi!
Tecum plane consentio, Molly optima. Nam mihi quoque aenigma ad sepulturam videtur pertinere: qua de causa rem, de qua agitur, ARCAm esse puto.

[Molly]

verbum rectum invenisti, conse, quod quaesivi...

[Apollonios]

amici doctissimi,

quamvis non ARCAm sed TUMBAm quæsivi, valeat ista solutio!
quis nunc dabit ceterum ænigma?

[consus]

Equidem hodie, nisi tu, Molly optima, vocabulo „ultimi cubiculi“ usa esses, aenigma solutum iri nego. Quam ob rem TE nunc ordo vocat. Quod aenigma propones? Exspectatione me suspensum esse scito!

[Molly]

sed tu, conse doctissime,
plus quam me sciens dignior ad proponendum aenigma es.
me nescire ullum aenigmatum valde doleo.
esne dictator?!

ergo iube!

[consus]

Nomen dictatoris, optima, aequo animo mihi ferendum est. Utcumque vero res se habet, ecce novum aenigma, idque ex parte ad tempus vernum pertinens:

Si legis hosce, legor. Si scribis carmina, scribor.
Frons mea amat flores ( ), caudaque stercus amat.

Quae res, amici carissimi?

[romane]

unus captivus in carcere munitissimo sedet
Videt duas portas
Prope utramque portam unus custos stat
loquuntur non nisi captivus unam rogationem ferat
- ego rogationem nescio fortasse tu -
Captivo enim licet unam rogationem ferre
- ego rogationem nescio fortasse tu -
Captivo neglegendum non est:
Alter custos semper verum dicit - alter semper verum non dicit
Nescit autem neuter
- ego rogationem nescio fortasse tu -
Sed subito captivus libertate fruitur
Quae rogatio tulit
- ego rogationem nescio fortasse tu -

[Apollonios]

Conse mi,

versus est quod legi, quod scripsi est versus,
ver amat flores, stercus amat sus.

[consus]

Gratulor tibi, mi Apolloni, de aenigmate tam celeriter tamque sagaciter soluto. Rem ingeniosissime enodasti. Restat vero, ut aenigma, quod romane noster proposuit, solvamus. Captiosum sane videtur...