aenigmata

[consus]

CHRISTOPHORO v. c. sal. d. p. C.
Quamvis ego non sim "robustus venator coram Deo", non ignoro quoddam esse signum quod vocatur halali: quo signo venatores cornua canentes venationis finem nuntiant. I littera remota fit verbum halal. Nonne cibum significat quo vesci hominibus licet Mahometi de nomine dictis?
Vale.

[Christophorus]

Haec sunt verba a me quaesita.

Illud "Halali" non solum cornibus, sed etiam vocibus proclamari videtur:

https://de.wikipedia.org/wiki/Halali_(Jagd)

[consus]

Oro vos, amici doctissimi, duo investigetis vocabula Latina:
Alterum (a) ex quinque constat litteris et rem significat geographicam.
Alterum (b) - una scilicet littera addita – ad artem pertinet musicam.
Quae vocabula?

[Tiberis]

salve, Conse !

Apud Caesarem legi de vento quodam, qui CORVS appellatur. una littera addita CHORVS fit.

[consus]

Gratulor tibi, mi Tiberis, de sagacitate tua: corus / chorus: optime quidem, sed aenigma excogitanti mihi in mentem venerant litus et lituus. (Forsitan et alia multa sint vocabula quae simili modo inter se comparari liceat.)

[Tiberis]

Ecce novum, in quo iterum duo quaeruntur vocabula Latina:

Littera si mutatur pomiferae arboris una

rem leviorem, hominis quae caput ornat, habes.

[consus]

Sunt pirus et pilus hae voces quas quaeris, amice.

[medicus]

Fortasse et tibi ante oculos versantur voces

poma et coma

P.S.Poma scilict plures arbores significare scio

[Tiberis]

pirus et pilus

non dubium est, quin sit perfecte aenigma solutum.

sed dici CIRROS atque CITROS volui.

poma et comaP.S.Poma scilict plures arbores significare scio


Fortasse et tibi ante oculos versantur voces poma et comaP.S.Poma scilict plures arbores significare scio

non plures, sed certa tibi quaerenda erat arbor.

falso , crede, comam pomaque commemoras.

[consus]

Amicis suis litteratissimis sal.

xxxxs xxxxsxxx xxxxxsxx xxxxx
xxxxxs xxxxxx sxxxxxxxx xxxx
xxxxxxxxs xxxxx xxxxxx sxxxxxx

xxxxxxx xxxx

Non sunt versus Christiani Morgenstern qui celeberrimum composuit illud carmen quod inscribitur Piscatoris Cantus Nocturnus: Latent in arcanis illis litteris versus vatis Venusini. Qui versus?

[Tiberis]

ecce Hor.c.2,10,21-24

Rebus angustis animosus atque
fortis appare; sapienter idem
contrahes vento nimium secundo
turgida vela.


obiter: nonne unam S neglexisti (animoSuS) ?
nonne Christiani Morgenstern opusculum inscribitur "piscis (!) cantus nocturnus" ?

te oro morositati meae ignoscas !

[consus]

Denuo, mi Tiberis, te praebes virum litteratissimum. Gratulor.
------------------------------------------------------------------------------------------
"piscis"] Rectissime in eo me reprehendis quod scripsi "piscatoris"; falso me cogitasse fateor de piscatore qui noctu hamo in stagnum eiecto placido delectatus silentio timet ne clamore temerario pisces deterreantur...
"animoSuS"] S litteram finalem eo consilio neglexi ut aenigmatis obscuritatem augerem.

[Tiberis]

Tiberis amicis suis sal.

nuper librum legi, qui est de viro letifero morbo affecto. qui in vita sibi reliqua unum atque solum tenet propositum: per litteras adiit clavicymbalistam celeberrimum, qui in oppidulo Tusco - qui locus maxime idoneus illi visus est - opus quoddam ageret Schubertianum. sed res in irritum cecidit...

titulus libri?
quod opus?
nomen clavicymbalistae?

[consus]

TIBERI amico suo qui sonis Schubertianis unice delectatur s. d. p. C.

Quamvis timeam ne errem, hoc ad te ausim scribere:

titulus libri? Günter Freitag, Brendels Fantasie
quod opus? Wander-Fantasie (Op. 15, D 760)
nomen clavicymbalistae? Alfred Brendel

Iucundissimam tibi exopto dominicam secundam adventus.

[Tiberis]

aenigma perfecte est solutum. gratulor!