aenigmata

[consus]

Hydrogenium a me perpaulo distat illo in systemate. Mihi "nomen durum" est.

His verbis lectis, optime Marce, nihil aliud mihi ante oculos obversatur nisi Lithium (λίθος - lapis). Cognitum est a J. A. Arfwedson, J.J. Berzelio, W.Th. Brande, H. Davy. Nascitur in Oceani aqua, in quibusdam Carinthiae, Finnlandiae, Germaniae campis in quibus effoditur elementum quod 'pegmatite' appellatur. Oro te ignoscas ignorationi meae: non sum chemicus.

[marcus03]

nihil aliud mihi ante oculos obversatur nisi Lithium (λίθος - lapis).

Elementum acu tetigisti, mi conse optime.
Quod quidem non in Oceano nascitur, sed in stellis. Maiores eius vetustissimi quidem iam nati sunt, cum illa res accidit, quae "Urknall" nominari solet. Ad energiam continendam maximi est momenti et futurum est, ut certe scis.
Spero te quoque autoraeda vectum mox iri, quae pilis electricis e Lithio factis movebitur, ubi pretio minutae fuerint.

[consus]

Proponuntur vobis, amici doctissimi, quinque nomina a me Latine reddita: Conceptio, Sanctus Antonius, Sanctus Iacobus, Trinitas, Victoria. Quae nomina artissimo quodam vinculo inter se coniuncta sunt.
Quis vestrum rem explicabit?

[marcus03]

Tibi quaedam templa Viennae sita ob oculos versari videntur, nisi fallor.

https://sites.google.com/site/sobottama ... en-in-wien

[consus]

MarcoTertio viro clarissimo s. d. p. C.
Valde doleo quod errore te video esse ductum: non est aenigma de rebus ecclesiasticis, sed de quadam re gesta a religione remota.

[Christophorus]

Sunt nomina navium, quibus Ferdinandus Magelanus terram circumvectus est.

[consus]

Solvisti aenigma nauticum, Christum Ferens:
Es laude dignus. Nunc aenigma da novum!

[Christophorus]

Feriis tuis, Conse, vir vere Lusitanus fieri videris.
Itaque solutio facilis erat.

Sed nunc:


Quaeritur urbs maxima et a nobis longissime remota.
Nostra lingua est ei idem nomen atque pagis media in Europa et aliis in continentibus.
Dicite mihi, quaeso, nomen nostrae et suae linguae.

[medicus]

Illa navis Magellani tibi ante oculos versata esse videtur.
Est urbs Santiago de Chile et sunt pagi plurumi huius nominis ubique terrarum.

[Christophorus]

Non est Santiago urbs a me quaesita.

Nota bene: Duo nomina habet, in nostra et sua lingua. Nostra lingua non est Latina lingua.

Nomen pagi non est "nomen proprium", sed quasi synonymum pro pago.

[medicus]

conatus novus:
Kanton= Guangzhou, et sunt pagi,qui in Helvetia et Gallia Kanton nominantur.

[Christophorus]

conatus novus:
Kanton= Guangzhou, et sunt pagi,qui in Helvetia et Gallia Kanton nominantur.

... et in multis aliis terris

https://de.wikipedia.org/wiki/Kanton

Gratulor!

[medicus]

Ecce novum:
Multis in terris Europae et exra mundum inveniri possum. Homines me ascendunt et pagi mei nominis sunt.Cuidam aetate terrae nomen meum est. Toto in mundo observandum sum. Quid est mihi nomen?

[Christophorus]

Carbo? Num autem ascendi possit, nescio ...

[medicus]

Carbo non sum, valde doleo Diversae res eodem nomine vocantur.