aenigmata

[Tiberis]

ascendunt? vel potius accendunt ?
cuidam aetate terrae ??

[medicus]

Veniam peto--->cuidam aetati terrae

"ascendunt" recte est

[Christophorus]

Fortasse Trias?

[consus]

Nonne tibi, optime medice, ante oculos obversatur Jura (montes et terrae aetas)?

[medicus]

Optime, mi Tiberis Et Jura extra mundum in luna inveniri potest. Et iura toto in mundo observanda sunt.

[Christophorus]

Vae, Iuram ipse paucis mensibus ante hic quaesivi. Me stultum!

[medicus]

Ne te stultum dixeris, Christophore prudentissime,cottidie novae res in cerebrum nostrum imponendae sunt

[consus]

Optime, mi Tiberis Et Jura extra mundum in luna inveniri potest. Et iura toto in mundo observanda sunt.

Quod Tiberim, doctissimum nostrum sodalem, pro me nominas, mi optime Medice, egregio mihi est honori.

[medicus]

Vae, perturbatio maxima in capite meo fuit multis collegis doctissimis respondentibus! Nunc palma enimvero conso nostro tribuenda est.

[consus]

Amicis suis illustrissimis sal.
Hoc aenigma de admirabili sane est opusculo musico. Audimus tria instrumenta. Quorum concentu vir musicae artis peritus adeo affectus videtur esse, ut esse Deum quasi auribus se intellexisse diceret. Opusculum ipsum viginti fere annis post mortem eius qui mirificos illos modos fecerat palam factum est et nomen accepit accommodatum.
Quis vestrum rem explicabit?

[Tiberis]

Tiberis Conso, amico suo musicae amantissimo, s.d.p.

aenigma tuum cum legerem, quid mirum si in mentem mihi venit suavissimum illud opusculum Francisci Schubert, quod XIX.fere anno post eius mortem primum editum est et "nocturnum" appellatur? (Adagio Es-Dur op.post.148, D 897)
Tamen timeo, ne errem, propterea quod nullum inveni, qui hoc opusculo audito dixisset deum auribus se intellexisse. quod quidem in tanta suavitate operis, in tanta eius sublimitate diceres. nonne Arturus Schnabel clavicymbalista dixit neminem modulatorum deo propiorem esse quam Schubert?

[ille ego qui]

Salve Conse,
haesito non modo in re, sed etiam in verbis perspiciendis. velim mihi dicas, qui casus sit quidve significet "auribus" in entuntiato tuo. pudet me non intellegere ... :

valeas

[Christophorus]

deleatur, quia stulta verba feci

[consus]

...Tamen timeo, ne errem, propterea quod nullum inveni, qui hoc opusculo audito dixisset deum auribus se intellexisse. quod quidem in tanta suavitate operis, in tanta eius sublimitate diceres. nonne Arturus Schnabel clavicymbalista dixit neminem modulatorum deo propiorem esse quam Schubert?. ...

Non erras, mi doctissime amice. Aenigma optime solvisti: gratulor. Dixit quidem Arturus Schnabel "neminem modulatorum deo propiorem esse quam Schubert", sed aliis me verbis uti oportebat ne aenigma facilius fieret. Quamobrem verba Theodisca "klingender Gottesbeweis" quadam circumlocutione Latine reddidi: Nonne fieri potest, ut "quasi auribus, id est cantu instrumentorum audito", intellegatur esse Deum?

[consus]

... velim mihi dicas, qui casus sit quidve significet "auribus" in enuntiato tuo. pudet me non intellegere ...

Salve, amice illustrissime!
Oro te legas verba quae Tiberi nostro scripsi. Spero te hoc modo rem prorsus intellecturum esse.