Iusto me iure, mi amice, oras ne neglegam verba Nomen dederunt castra operi suum. Inveneram quidem verbum Arabicum quasr = Ksar < castrum, sed nihil interesse putabam inter agadir et ksar.
Perfecte nunc rem explicasti! Scripsi quidem non multum inter utrumque aedificium (scil.Agadir et Ksar) differre, sed illa, quae agadir appellantur, arcium similiora sunt, cum in his (sc. Ksour) turres deesse soleant. nunc autem denuo te vocat ordo.
ego sum medio quem flumine cernis,
stringentem ripas et pinguia culta secantem,
caeruleus Thybris, caelo gratissimus amnis
Audaces quondam libertatis vindices Columnam celsam vi fregerunt fortiter. Vacuatus ille permaneret ne locus Rotunda res tum structa est tangens aethera. Quae res illustris his latet verbis meis?
Ingeniosissimo tuo carmine delectatus, mi Tiberis, facere non possum quin hoc tibi modo auxilio veniam: Urbs in qua celsa illa columna quondam posita erat a Vindobona distat, si directam viam aeriam ingressus cursum CCXCVIII graduum tenes, circiter milia p. C׀ϽCXXII.
Tetigisti acu, mi amice! Gratulor, denuo corona dignus es laurea.
Quod vero ad urbis nomen pertinet, quaedam mihi movetur dubitatio; apud Claudium enim Ptolemaeum hoc scriptum videmus nomen: Ἒβλανα πόλις. Nescio an etiam Ebiana appelletur.
omnes cum taceant neque ipse Consus - Oedipus merito sagax vocatus - hanc rem solvere possit, ut videtur, haec adiungere nunc volo, sodales: Scalas Austria habet locumque et ursum. quem ne credideris feram esse veram...
ego sum medio quem flumine cernis,
stringentem ripas et pinguia culta secantem,
caeruleus Thybris, caelo gratissimus amnis
Sed stupida est mea mens: Spes prope adempta iacet.
Forsitan ante oculos tibi obversetur ursus quidam qui Theodisce 'Ötscherbär' appellatur. Est ordo carrucarum quas machina vi electrica mota via ferrata ad Mariae Cellam, id est quasi in caelum trahit.
Volare leviter vir sollers Egnatius Cuiusdam stirpis semen quondam viderat. Eius miratus formam valde commodam Alas construxit quae portarent machinam Tenues per auras: visu res mirabilis!