aenigmata

[consus]

Ita est ut scribis! Gratulor .
Ecce situs rectagoni anno MDCCCV a Tranchot depictus: https://www.krefeld.de/c1257cbd001fc61b/files/hkur_krefeld_1842.jpg/$file/hkur_krefeld_1842.jpg?openelement

[Christophorus]

Confiteri debeo me ante nonnullos annos eam urbem saepius visitasse libros aliasque res antiquas in foro Sproedentalensi emendi causa.

Nunc novum:

Quaeritur oppidum, prope quod dux audax itemque miser vitam amisit. Nomen oppidi etiam praenomen femininum est.

[medicus]

Praenomen femininum quidem rarum--> TROJA, nisi fallor.

[Christophorus]

Nonne ad Troiam multi duces ceciderunt?
Et "Troy" exempli gratia saepius praenomen masculinum est ... Femina nomine Troia mihi nota non est.
Inter alias etiam tribus actricibus praenomen erat vel est.
Sed - vae! - unius maritus, alterius pater, tertiae vox sua hominibus notiores sunt.
Dux autem audacia sua notus nominatusque erat.

[consus]

Consus Christophoro sal.
Anno MCDLXXVII pugna ad Nancium commissa Carolus Audax dux Brabantiae vulnere mortifero affectus est. Quamobrem Nancy puto nomen esse oppidi de quo tuum est aenigma. Et ante oculos mihi obversatur imprimis Nancy Reagon actrix.

[Christophorus]

Ita est, mi Conse.


Feminae sunt: Nancy, coniunx praesidis Ronaldi Reagan; Nancy, filia Francii Sinatra cantoris; Nancy, vox Bartholomaeii Simpson.

[consus]

Amicis suis spectatissimis sal.
Excelsis Austriae Alpibus incitatus sum ad proponendum hoc aenigma quod non modo ad geographiam, sed etiam ad litteras pertinet:

Suave mihi est nomen: flumen breve sum rapidumque.

Hoc etiam nomen ficta puellula habet.

Quod flumen?
Quae puellula? In qua narratione de ea auditur?

[Christophorus]

Estne quaerendum in Alpibus, care Conse?

[medicus]

Salve conse, est flumen in Alpibus Italiae nomine NEVA, et de puella eiusdem nominis in narratione Neva auditur.
https://www.ebay.de/p/Neva-von-Sara-Gra ... 1902790019
https://de.wikipedia.org/wiki/Neva

[consus]

Accepi quidem abs te, optime Medice, responsum haud absurdum, sed prorsus nego me Alpibus Austriacis (!!) induci potuisse ut de illo torrente et de illa narratione cogitarem. Aenigma plane est Austriacum.

[medicus]

Per Alpes Austriacas vagatus inveni flumen Sanna et puellam huius nominis in narratione Bergkristall

https://de.wikipedia.org/wiki/Sanna_(Inn)
https://de.wikipedia.org/wiki/Bergkristall_(Stifter)

[consus]

Bene respondisti, mi medice. Gratulor.

[medicus]

Salvete collegae doctissimi,
aenigma novum etiam est de Alpibus. Quaeritur nomen montis, quod et viros quosdam et aliqua animalia significat et in tectis inveniri potest.

[Tiberis]

nomen montis, quod et viros quosdam et aliqua animalia significat et in tectis inveniri potest.

obscurum est, quod scribis, optime medice.
num nomen montis in tectis (scil. domorum ?) inveniri potest??
plurane animalia eo nomine significantur an unum?

[medicus]

obscurum est, quod scribis

Aenigmata hoc in foro saepe quidem obscura sunt.
Ille mons in Helvetia situs est et saepe cum duobus aliis montibus nominatur.
Nomen illius montis pars tectorum domorum saepe invenitur.
Plura animalia eo nomine significantur ( avis, papilio et cervus quidam)
Viri illius nominis sine feminis vivere utuntur.
Nunc aenigma facile solutu esse puto.