aenigmata

Quo in foro Latine colloquamur!

Moderatoren: Zythophilus, marcus03, Tiberis, ille ego qui, consus, e-latein: Team

Ecce novum...

Beitragvon consus » Di 23. Apr 2019, 15:41

Cum in Russia nuper essem, doctissimi amici, hoc excogitavi aenigma:
Trahit per viam nivibus plenam equus ligneam traham, in qua femina pallens iacet atra veste contecta. Cuius dextra manus ad caelum porrecta est, idque digito indice cum medio coniuncto. Comitantur miseram feminam homines varie affecti: pars maerore afflicta est et misericordia, alii quasi gaudio completi eam videntur deridere.
Quis vestrum explicabit qua de re sit hoc aenigma?
Nomen feminae?
Cur manum duobus digitis coniunctis ad caelum porrigit?
:)
Benutzeravatar
consus
Pater patriae
 
Beiträge: 14234
Registriert: Do 27. Jul 2006, 18:56
Wohnort: municipium cisrhenanum prope Geldubam situm

Re: aenigmata

Beitragvon Tiberis » Mi 24. Apr 2019, 00:04

Tiberis Conso, amico tabularum pictarum amantissimo, s.d.p.

cum non dubitarem, quin Moscoviae illustrissimam pinacothecam Tretjakovianam inspexisses, rete iuvante hanc tabulam pictam inveni:
https://de.wikipedia.org/wiki/Wassili_Iwanowitsch_Surikow#/media/File:Boyaryna_Morozova_by_V.Surikov_(1884-1887,_Tretyakov_gallery).jpg
Depinxit Basilius Surikow Theodosiam Morosowam, feminam nobilem, quae, cum Awwakum Petrow sacerdotem coleret, comprehensa et in carcerem deducta est. mos erat, ut ii, qui pristinum statum religionis servabant, signum crucis duobus digitis facerent; quae res ad dualitatem Iesu Christi pertinere dicebatur.
:stretch:
ego sum medio quem flumine cernis,
stringentem ripas et pinguia culta secantem,
caeruleus Thybris, caelo gratissimus amnis
Benutzeravatar
Tiberis
Pater patriae
 
Beiträge: 11862
Registriert: Mi 25. Dez 2002, 20:03
Wohnort: Styria

Beitragvon consus » Mi 24. Apr 2019, 11:31

Tiberis scripsit / hat geschrieben:...cum non dubitarem, quin Moscoviae illustrissimam pinacothecam Tretjakovianam inspexisses, rete iuvante hanc tabulam pictam inveni...
Quanta tu sagacitate aenigma solvisti, mi amice! :lol: :thumbup: Gratulor. Amicus noster Moscovianus eisdem fere verbis quibus tu usus es explicavit qua de re esset illa tabula picta.
Benutzeravatar
consus
Pater patriae
 
Beiträge: 14234
Registriert: Do 27. Jul 2006, 18:56
Wohnort: municipium cisrhenanum prope Geldubam situm

Re: aenigmata

Beitragvon Tiberis » Fr 26. Apr 2019, 20:31

Ecce novum, amici!

Facta ex aere sedet fusco petasata viatrix
(sarcinae prope sunt) tramina prospiciens.


Ubi ?
Nomen artificis?
:-D
ego sum medio quem flumine cernis,
stringentem ripas et pinguia culta secantem,
caeruleus Thybris, caelo gratissimus amnis
Benutzeravatar
Tiberis
Pater patriae
 
Beiträge: 11862
Registriert: Mi 25. Dez 2002, 20:03
Wohnort: Styria

Re: aenigmata

Beitragvon medicus » Fr 26. Apr 2019, 21:15

Viatorem stantem tantum inveni petasatum cum sarcinis tramen exspectantem. :roll:

https://www.schwarzwaelder-bote.de/inha ... d80cd.html

Fortasse viatrix tua et viator meus alicubi conveniant.
Zuletzt geändert von medicus am Sa 27. Apr 2019, 13:22, insgesamt 1-mal geändert.
medicus
Augustus
 
Beiträge: 6623
Registriert: Do 9. Dez 2010, 11:39

Beitragvon consus » Fr 26. Apr 2019, 22:32

Equidem aenigma puto esse de viatricis statua ex aere facta, quae Tosanae in statione Ferriviae Raeticae posita est. Fecit Robertus Indermaur.
Benutzeravatar
consus
Pater patriae
 
Beiträge: 14234
Registriert: Do 27. Jul 2006, 18:56
Wohnort: municipium cisrhenanum prope Geldubam situm

Re: aenigmata

Beitragvon Tiberis » Sa 27. Apr 2019, 13:16

Denuo Sphingem superat misellam
Oedipus qui haud immerito vocatur
aureus. Nullum tibi non solutum ae-
nigma manebit.
:cry: :klatsch:
ego sum medio quem flumine cernis,
stringentem ripas et pinguia culta secantem,
caeruleus Thybris, caelo gratissimus amnis
Benutzeravatar
Tiberis
Pater patriae
 
Beiträge: 11862
Registriert: Mi 25. Dez 2002, 20:03
Wohnort: Styria

Aenigma musicum

Beitragvon consus » Sa 27. Apr 2019, 19:16

Ecce aenigma quod est de quadam symphonia saec. XX composita:
Constat ex tribus partibus quae, ut ita dicam, gradibus celeritatis inter se differunt.
Canit enim pars prima „largiter“, „alacriter“ altera, tertia „praesto“ .
Symphoniae structura et hanc ob causam inusitata dicitur esse quod "larga" illa pars multo longior est quam secunda pars coniuncta cum tertia.


Quae symphonia?
Benutzeravatar
consus
Pater patriae
 
Beiträge: 14234
Registriert: Do 27. Jul 2006, 18:56
Wohnort: municipium cisrhenanum prope Geldubam situm

Re: aenigmata

Beitragvon Tiberis » So 28. Apr 2019, 11:50

Conso suo sal.

Non oblitus sum te nuperrime in Russia fuisse :D . quamobrem non mirum est, quod , cum verba tua legerem, Demetrius Schostakowitsch in mentem mihi venit compositor symphoniarum excellentissimus. nonne ad symphoniam eius sextam (opus LIV.), quae anno MCMXXXIX Petropoli Eugenio Mrawinski rectore primum edita est, interrogata tua spectant?

:-D
ego sum medio quem flumine cernis,
stringentem ripas et pinguia culta secantem,
caeruleus Thybris, caelo gratissimus amnis
Benutzeravatar
Tiberis
Pater patriae
 
Beiträge: 11862
Registriert: Mi 25. Dez 2002, 20:03
Wohnort: Styria

Gratulor

Beitragvon consus » So 28. Apr 2019, 13:14

Nunc demum, mi Tiberis, intellego qui iure meritoque Oedipus aureus appellandus sit. :thumbup:
Benutzeravatar
consus
Pater patriae
 
Beiträge: 14234
Registriert: Do 27. Jul 2006, 18:56
Wohnort: municipium cisrhenanum prope Geldubam situm

Re: aenigmata

Beitragvon Tiberis » Mo 29. Apr 2019, 14:32

Ecce novum:
Quaeritur opus tribus vocibus vel instrumentis compositum…

Romanus potuit videre Caesar
trinos artifices novum canentes
quondam musicum opus. Sed ultimum auctor
coram tum cecinit modorum, ut aiunt.


Quod opus?
Nomen compositoris?
ego sum medio quem flumine cernis,
stringentem ripas et pinguia culta secantem,
caeruleus Thybris, caelo gratissimus amnis
Benutzeravatar
Tiberis
Pater patriae
 
Beiträge: 11862
Registriert: Mi 25. Dez 2002, 20:03
Wohnort: Styria

?

Beitragvon consus » Do 2. Mai 2019, 11:20

Quamvis, mi Tiberis, timeam ne errore captus sim, tamen magna deliberatione suscepta facere non possum quin hoc tibi reddam responsum: Aenigma puto esse de Ludovici Beethoven opere XCVII ("Klaviertrio Nr. 7 B-Dur"), quod Theodisce etiam "Erzherzog-Trio" appellatur. Beethoven ipse clavicymbalo cecinit, idque anno MDCCCXIV III Id. Mai. Vindobonae in deversorio quod nomen acceperat ab Imperatore Romano ("Zum Römischen Kaiser").
Benutzeravatar
consus
Pater patriae
 
Beiträge: 14234
Registriert: Do 27. Jul 2006, 18:56
Wohnort: municipium cisrhenanum prope Geldubam situm

Re: aenigmata

Beitragvon Tiberis » Do 2. Mai 2019, 15:46

:-o :klatsch: :thumbup:
aenigma hercle difficillimum et Oedipo aureo dignum solvisti, mi amice. sunt et sagacitas et doctrina tua maximae mihi admirationi. :hail:
ego sum medio quem flumine cernis,
stringentem ripas et pinguia culta secantem,
caeruleus Thybris, caelo gratissimus amnis
Benutzeravatar
Tiberis
Pater patriae
 
Beiträge: 11862
Registriert: Mi 25. Dez 2002, 20:03
Wohnort: Styria

Aenigma poeticum

Beitragvon consus » Fr 3. Mai 2019, 11:47

Amicis litteratissimis sal.
Ecce quattuor versiculi e Theodisco in Latinum conversi:
De meis rebus non angor .
Porto enim omnia mea,
Fabellas, carmina, ioca,
In (quodam instrumento).
(Duo poetae verba hoc loco aliis verbis compensavi.)
a) Quis poeta anno MCMXXIX hoc poematium composuit?
b) Quae res latet sub verbis "quodam instrumento"?
Benutzeravatar
consus
Pater patriae
 
Beiträge: 14234
Registriert: Do 27. Jul 2006, 18:56
Wohnort: municipium cisrhenanum prope Geldubam situm

Re: aenigmata

Beitragvon Tiberis » So 5. Mai 2019, 13:21

Tiberis Sphingi crudelissimae sal.

eheu! Quot horas in isto poematio investigando iam perdidi ! Nullum tamen inveni, quod cum verbis abs te Latine redditis congrueret. :cry:
priusquam hastam abicio, te oro ut nobis dicas, num poematium e quattuor tantum versibus constet numque, si longius est, ab Illis versibus incipiat.
numquam credidi rem, quae primo aspectu facillima solutu videtur, tantas difficultates mihi exhibituram esse. :sad:
ego sum medio quem flumine cernis,
stringentem ripas et pinguia culta secantem,
caeruleus Thybris, caelo gratissimus amnis
Benutzeravatar
Tiberis
Pater patriae
 
Beiträge: 11862
Registriert: Mi 25. Dez 2002, 20:03
Wohnort: Styria

VorherigeNächste

Zurück zu Latine loquendi



Wer ist online?

Mitglieder in diesem Forum: 0 Mitglieder und 10 Gäste