aenigmata

[consus]

„Aetna mihi ruptique cavis fornacibus ignes“
ante oculos nunc obversantur. Magna desperatione, o Sphinx crudelissima, affecto hoc mihi scribendum est antequam Empedoclem imitatus in Aetnae me craterem praecipitem - utere clementiam - :
Itali nostra aetate Aetnam Mongibello appellant. Quod nomen compositum est ex monte (Ital.: mons) et ǧabal (Arab.: mons).

[medicus]

Mongibello

Et in rete legi nomen significare montem bellum Contradicere conso quidem nolo.

[consus]

... Contradicere conso quidem nolo.

Licet quidem contradicere, optime medice! sed vicipedia ("Ätna") in consilium adhibita legi hoc:

In der Umgangssprache hat der Ätna auch den Namen „Mongibello“, abgeleitet aus lateinisch „mons“ (davon italienisch „monte“) und arabisch „djebel“ (جبل), was beides einfach „Berg“ bedeutet.

[medicus]

Speremus tibi mox laurum datum iri, conse optime!

[Tiberis]

Itali nostra aetate Aetnam Mongibello appellant. Quod nomen compositum est ex monte (Ital.: mons) et ǧabal (Arab.: mons).

Ecce solutio ! quis nisi Consus , amicus noster sagacissimus, aenigma solvere potuit? gratulor, mi amice!

in rete legi nomen significare montem bellum

sunt quidem, qui id ita esse opinentur, sed falso. nam qui potest fieri, ut pro montebello mongibello dicatur ??

[consus]

Amicis suis illustrissimis sal.
Res, qua cottidie uti solemus, eo loco quo in acutum desinit minutissimo globulo instructa est. Quo efficitur ut liquor coloratus ex ea constanter effluat in chartam.
Quae res?

[mystica]

Amicis suis illustrissimis sal.
Res, qua cottidie uti solemus, eo loco quo in acutum desinit minutissimo globulo instructa est. Quo efficitur ut liquor coloratus ex ea constanter effluat in chartam.
Quae res?

Hoc videtur mihi stilographium esse.

[Tiberis]

quomodo ea res Latine reddatur, plane ignoro. an stilus Bironianus?

[iurisconsultus]

fortasse foramen cordis („Herzloch“)?

[consus]

Doleo quod et Mystica et Iurisconsultus in errore versantur.

quomodo ea res Latine reddatur, plane ignoro. an stilus Bironianus?

Gratulor tibi, doctissme amice: est stilus cuius structuram excogitavit László József Bíró .
Forsitan dici possit etiam stilus sphaericus.

[medicus]

Forsitan dici possit etiam stilus sphaericus.

In Lexinone recentis latinitatis de libraria editoria vaticana scriptum est:
1.graphium sphaerale,Syn.:graphium Biroanum
2.sphaerigraphum

[Tiberis]

In Lexinone recentis latinitatis de libraria editoria vaticana

iste liber a nullo fere adhibetur, cuius interest sermone vere Latino uti, praesertim cum magna vocabulorum pars non ad verbum Latine reddatur, sed compluribus verbis plus minusve explicetur. praeterea ipsis iis parum prodest, qui nullam linguae Latinae peritiam habent, propterea quod plerumque fit, ut vocabula Theodisca
verbis diversis reddantur nullis exemplis allatis. ex quo haud raro evenit, ut tirones , quid eligant, plane ignorent.

[Medicus domesticus]

In Vicipaedia Latina haec invenimus:
https://la.wikipedia.org/wiki/Calamus_sphaeralis

[marcus03]

Vox BIRO in lingua Anglica invenitur.
Quid obstat, quin verbum "biro, bironis" et in linguam Lat. introducamus?

[consus]

Nisi quibusdam de causis, amici doctissimi, accuratius nos dicere oportet quo instrumento ad scribendum utamur, simplex vox stili satis idonea videtur esse.