aenigmata

Quo in foro Latine colloquamur!

Moderator: e-latein: Team

Re: aenigmata

Beitragvon Tiberis » Di 7. Jul 2020, 13:11

bene quidem, mi amice, Keglevicii verba Latine reddidisti. tamen nescio an illud "an der Baumgrenze" sic quoque liceat convertere : inter extremas arbores
:stretch:
ego sum medio quem flumine cernis,
stringentem ripas et pinguia culta secantem,
caeruleus Thybris, caelo gratissimus amnis
Benutzeravatar
Tiberis
Pater patriae
 
Beiträge: 10635
Registriert: Mi 25. Dez 2002, 20:03
Wohnort: Styria

Re: aenigmata

Beitragvon marcus03 » Di 7. Jul 2020, 13:51

Tiberis hat geschrieben:inter extremas arbores

aut: ad/apud e. a. ?
marcus03
Dominus
 
Beiträge: 8491
Registriert: Mi 30. Mai 2012, 06:57

Re: aenigmata

Beitragvon Tiberis » Di 7. Jul 2020, 17:25

marcus03 hat geschrieben:aut: ad/apud e. a. ?

istae praepositiones mihi minus probantur: nonne "apud" hominibus (non locis) praeponi solet?
ego sum medio quem flumine cernis,
stringentem ripas et pinguia culta secantem,
caeruleus Thybris, caelo gratissimus amnis
Benutzeravatar
Tiberis
Pater patriae
 
Beiträge: 10635
Registriert: Mi 25. Dez 2002, 20:03
Wohnort: Styria

Re: aenigmata

Beitragvon iurisconsultus » Di 7. Jul 2020, 18:40

Forsitan licet convertere „sub linea arborea“ (Homoioteleuton) :?
Qui statuit aliquid parte inaudita altera,
aequum licet statuerit, haud aequus fuit.
(Sen. Med. 199-200)
Benutzeravatar
iurisconsultus
Censor
 
Beiträge: 827
Registriert: Di 31. Dez 2013, 15:37
Wohnort: Lentiae, in capite provinciae Austriae Superioris

"Baumgrenze" Latine

Beitragvon consus » Di 7. Jul 2020, 22:51

Gratias vobis, amici doctissimi, ago pro verbis propositis. In Alexandri de Humboldt libro qui inscribitur De distributione geographica plantarum secundum caeli temperiem et altitudinem montium prolegomena (Lutetiae Parisiorum MDCCCXVII) scriptum legimus: "verus terminus arborum jam altitudine 1000 h.* invenitur" (p. CXXI). Nonne nobis quoque eisdem uti licet verbis quae illi viro doctissimo probabantur**?
__________________________________
* h. = hexapodarum.
** Alio loco apparet "limes nivis perpetuae".
Benutzeravatar
consus
Pater patriae
 
Beiträge: 13980
Registriert: Do 27. Jul 2006, 18:56
Wohnort: municipium cisrhenanum prope Geldubam situm

Re: aenigmata

Beitragvon Tiberis » Di 7. Jul 2020, 23:52

consus hat geschrieben:terminus arborum

:hmmm:
Alexandrum de Humboldt magni aestimo ut virum doctissimum, qui de rebus geographicis optime meritus sit. cuius facultas Latine dicendi an pari laude digna sit, nescio. "Terminus arborum" licet false dictum non sit, tamen in hac interpretatione nimis verba Theodisca eum secutum esse puto. nonne vocabulo termini lineam (!) significamus mensura constitutam, sicut terminum agri vel urbis eqs ? sed arborum montanarum certus terminus non est, immo zona plus minusve lata, ad quam plurimae earum ascendunt.
si nostra lingua dicimus "die Baumgrenze liegt in 2000 m Seehöhe" , non id est intelligendum ita, ut omnes arbores usque ad illum gradum altitudinis pertineant veluti ad terminum, supra quem nulla iam arbor invenitur. quamobrem haud falsum esse puto, si de "extremis arboribus" loquimur.
ego sum medio quem flumine cernis,
stringentem ripas et pinguia culta secantem,
caeruleus Thybris, caelo gratissimus amnis
Benutzeravatar
Tiberis
Pater patriae
 
Beiträge: 10635
Registriert: Mi 25. Dez 2002, 20:03
Wohnort: Styria

Re: aenigmata

Beitragvon marcus03 » Mi 8. Jul 2020, 07:55

Tiberis hat geschrieben:istae praepositiones mihi minus probantur: nonne "apud" hominibus (non locis) praeponi solet?


II) bei örtlichen [522] Bezeichnungen, a) im Gebiete, im Bereiche von usw. = bei, an, apud ignem, Turpil. u. Sisenn. fr.: apud Alyziam, Cic.: apud oppidum, Caes.: apud mensam, bei Tische, Gell.
marcus03
Dominus
 
Beiträge: 8491
Registriert: Mi 30. Mai 2012, 06:57

Re: aenigmata

Beitragvon Tiberis » Mi 8. Jul 2020, 10:31

recte mones, o Marce, praepositionem "apud" locis quoque interdum praeponi. Sed Georges noster ad illud iudicium me adduxit, qui scripserit "gew. nur bei Personen, selten bei Örtlichkeiten"
:roll:
ego sum medio quem flumine cernis,
stringentem ripas et pinguia culta secantem,
caeruleus Thybris, caelo gratissimus amnis
Benutzeravatar
Tiberis
Pater patriae
 
Beiträge: 10635
Registriert: Mi 25. Dez 2002, 20:03
Wohnort: Styria

"Baumgrenze" Latine

Beitragvon consus » Mi 8. Jul 2020, 11:51

Re denuo perpensa, mi Tiberis, facere non possum quin illud „inter extremas arbores“ mihi probari dicam; nam ut Iurisconsulti linea arborea, ut ita dicam, ‚Italicismum‘ videtur olere („linea degli alberi“), ita et Alexandri de Humboldt terminus arborum aliquid olet peregrinum.
:smile:
Benutzeravatar
consus
Pater patriae
 
Beiträge: 13980
Registriert: Do 27. Jul 2006, 18:56
Wohnort: municipium cisrhenanum prope Geldubam situm

Re: aenigmata

Beitragvon Exinterator » Mi 8. Jul 2020, 13:02

Fateor me illud Consi statim recte intellexisse pro zona supra quam arbores non sint at non ita me intellecturum fuisse si italice "linea degli alberi" vel aliud quid simile invenissem. Nam illud "linea degli alberi" eo significatu intelligi debere quo a Conso adhibitum est, ignorabam. Fortasse id ex lingua italica repetendum non est.
Benutzeravatar
Exinterator
Consul
 
Beiträge: 376
Registriert: Mi 15. Jul 2015, 01:17

Re: aenigmata

Beitragvon Tiberis » Fr 10. Jul 2020, 22:53

amicis litteratissimis salutem!

in libro anno MCMXCVII edito fabula legitur, quae eandem habet inscriptionem ac liber ipse.
novissima eius fabulae verba Latine reddidi:

Quod deinde accidit, tam hilare, tam solute et sponte factum est, quasi iam pridem inter nos convenisset. Cum vehicula nostra per momentum temporis una trivio appropinquarent, nonnulli pastorum vel laniorum bracchia tetenderunt palmis apertis ,et nonnulli nostrum, in quibus ego quoque, manibus manus illorum plauserunt eos salutantes – an alius alii comiter plausit? Deinde ultimo eorum ultimo temporis momento veluti cursori iam deficienti ephemeridem tradidi, fabulam de viro volante: „bene ambula! vale!”
Ad vota de plaustro ad plaustrum clamata nunc demum vocabulum quoddam, quod memoria tenebam, reclamare potui. Primum id fuit, quod ex lingua auditorum et legere et intellegere et dicere didici: (….) Quod est : « gratias tibi ago. »



inscriptio fabulae sive libri?
nomen scriptoris?

:chefren:
ego sum medio quem flumine cernis,
stringentem ripas et pinguia culta secantem,
caeruleus Thybris, caelo gratissimus amnis
Benutzeravatar
Tiberis
Pater patriae
 
Beiträge: 10635
Registriert: Mi 25. Dez 2002, 20:03
Wohnort: Styria

Beitragvon consus » Sa 11. Jul 2020, 14:47

Consus Tiberi amico suo litteratissimo s. p. d.
Verbis „fabulam de viro volante“ lectis persuasum mihi erat te cogitare de Christophoro Ransmayr eiusque fabula quae inscribitur De itinere Surabayam*.
Ransmayr, ut alia omittam, scripsit
dem letzten von ihnen im letzten Augenblick und wie einem schon zurückfallenden Staffellaufer - die Zeitung; die Geschichte vom fliegenden Mann“.
Nonne ex his verbis satis apparet, quantam tu operam dederis ut omnia Latine redderes? Magna dignus es admiratione!
:klatsch:
___________________________________________________________________
* Edita est fabula anno MCMXCVII Francofurti ad Moenum in libro eiusdem inscriptionis.
Benutzeravatar
consus
Pater patriae
 
Beiträge: 13980
Registriert: Do 27. Jul 2006, 18:56
Wohnort: municipium cisrhenanum prope Geldubam situm

Re: aenigmata

Beitragvon Tiberis » Sa 11. Jul 2020, 16:28

immo tu maxima dignus es admiratione, mi amice, ut qui tantillum temporis insumpseris in aenigmate solvendo. nulla vere fabula, nullus liber esse videtur, quin abs te citissime inveniatur. GRATVLOR ! :klatsch:
ego sum medio quem flumine cernis,
stringentem ripas et pinguia culta secantem,
caeruleus Thybris, caelo gratissimus amnis
Benutzeravatar
Tiberis
Pater patriae
 
Beiträge: 10635
Registriert: Mi 25. Dez 2002, 20:03
Wohnort: Styria

Ecce novum aenigma

Beitragvon consus » Di 14. Jul 2020, 11:24

Forsitan, amici doctissimi, hoc vobis placeat aenigma:
Quis fui?
Filia eram clarissimi poetae Britanni. Nata sum eodem anno quo Napoleonis exercitus prope tabernam deversoriam cui nomen erat Bellum Foedus cladem accepit. Imprimis artes mihi mathematicae placebant, in quibus postea tantos feci progressus ut rationem ad quosdam numeros computandos idoneam invenirem. Cum femina essem triginta sex annorum, morte occubui.
Benutzeravatar
consus
Pater patriae
 
Beiträge: 13980
Registriert: Do 27. Jul 2006, 18:56
Wohnort: municipium cisrhenanum prope Geldubam situm

Re: Ecce novum aenigma

Beitragvon mystica » Di 14. Jul 2020, 12:01

consus hat geschrieben:Forsitan, amici doctissimi, hoc vobis placeat aenigma:
Quis fui?
Filia eram clarissimi poetae Britanni. Nata sum eodem anno quo Napoleonis exercitus prope tabernam deversoriam cui nomen erat Bellum Foedus cladem accepit. Imprimis artes mihi mathematicae placebant, in quibus postea tantos feci progressus ut rationem ad quosdam numeros computandos idoneam invenirem. Cum femina essem triginta sex annorum, morte occubui.


Salve optime Conse, mi amice care!

Solutio aenigmatis videtur mihi Ada Lovelace (MDCCCXV - MDCCCLII), filia poetae Britannici Georgii Domini de Byron (voce Britannica Lord George Byron), esse. An erro?

Vale! Mystica ;-)
"Cum quo enim Deus est, nunquam minus solus est, quam cum solus est. Tunc enim libere fruitur gaudio suo, tunc ipse suus est sibi, ad fruendum Deo in se, et se in Deo". (Beatus Abbas Bernardus Claraevallensis)
Benutzeravatar
mystica
Censor
 
Beiträge: 777
Registriert: So 3. Mär 2019, 10:37

VorherigeNächste

Zurück zu Latine loquendi



Wer ist online?

Mitglieder in diesem Forum: Google [Bot] und 4 Gäste