- Code: Alles auswählen
Mane petis pueros, schola quos tibi celsa docendos
mandat, ut ignaris munera docta feras.
Num sapientia crescat eis, mirate, uideris,
cum doceas, fieri stultior ipse tibi.
Moderatoren: Zythophilus, marcus03, Tiberis, ille ego qui, consus, e-latein: Team
Mane petis pueros, schola quos tibi celsa docendos
mandat, ut ignaris munera docta feras.
Num sapientia crescat eis, mirate, uideris,
cum doceas, fieri stultior ipse tibi.
Reptasti manibus pedibusque ex aedibus usus.
Nunc, ne te capiant monstra secuta, uide!
Cur pueros gemitu formidans omnia comples? - - -
>Tu ne cede malis!< Continuo fugient.
Eheu, Luna, dies cur iam tuus incipit ater?
Quin potes, alme, tuum, Sol, duplicare diem?
Odi castaneas , praenuntia poma laborum:
iucundos memorant praeteriisse dies.
poma invisa mihi, aestatis documenta peractae,
cum matura eritis,numquam ego laetus ero.
cum matura eritis, me disciplina vocabit,
ingratusque labor tum repetendus erit.
officii tristis quo me remonebitis usque ?
quotque autumni etiam taliter incipient ?
at pro certo habeo aerumnae fore denique finem:
tum demum studiis dedere me potero.
ille dies veniet, quo collegisse iuvabit
molles castaneas. ille dies veniet.
De innocuis pomis quereris ducisque labores
mollia tam duros poma referre tibi.
Pectore tanta tuo cur ardeat arboris ira?
An tibi castanea laeserat acta caput?
Si recte legeres, licuit tibi cernere, amice,
me non castaneas, symbola sola queri.
incipientis enim sunt symbola tristitiei,
quae cum evanuerit,causa querelae aberit.
quae cum evanuerit, certe poma illa adamabo,
libertatis erunt symbola grata mihi.
Nucifer - ah - tantos autumnus, amice, timores
inicit, ut metuas paruula poma tremens.
Cur tibi terribile est caelum Septembre, sodalis?
An schola nunc iniens causa molesta metus?
Tu cum uina bibas, tua chartula suadet, ut ipse
acria uina eadem fauce dolente bibam.
Tu tua uina bibes, nos uero zytha bibemus,
quae liquefacta Ceres labra iuuare iubet.
Hercle, quid intersit, miramur, munere Bacchi
ebrius et laetus dummodo fiat homo.
zythum bibat quis vult! turbidum sicut Rheni
prope officinam aquæ, zythum draconis saliva
spumantis simile est. vinum semper præferam.
Intactusque diu caret acri cantharus unda
et praefers calici, docte poeta, libros.
Cedere cur Phoebo nunc Bacchum cogis, amice?
Cur cyathis positis te sapientia alit?
Tempora, uis, decoret Phoebea corona magistro,
sed studia enixo conficienda prius.
Quasuis docta domus adiens fers scripta, Gerarde,
discere uti liceat nomina mira tibi.
Num tibi sola libros atque unica causa ferendi?
Humor ne pereat, mensa fit aequa libro!
Praebentur calices elapsis quinque diebus:
Ne dubitate! Vocant pocula plena mero.
Mitglieder in diesem Forum: 0 Mitglieder und 40 Gäste