Nugae

[mystica]

Carissime frater in Christo, Marce!

Equidem non digna sum et solum servula Domini Iesu Christi Redemptoris nostri!



De rebus coelestis taceamus et ad Deum rogamus, ut Pontifex Romanus Maximus Franciscus, pp. diu vivat!

+ IN CHRISTO PER MARIAM

Vale! Tua amica et studiosa, Mystica

[Zythophilus]

Vis, male compte, tibi tonsor secet arte capillos?

Pestibus intactum te prius esse proba!

Altera causa bona est! Sic dira salute probata

semina non spargit faux aliisue nocet.

Praeterea poteris cunctis – haec tertia causa est –

te sic esse bonum dicere teque pium.

[mystica]

Illud videtur mihi verum esse.

[Zythophilus]

Cingere quae scimus, Venetorum moenia, fluctus,

deficere incipiunt nota liquore suo.

Nulla sub innumeris iactatur pontibus unda

inque situ limi cymbula nigra sedet.

https://imgl.krone.at/scaled/1630669/v8 ... 30x356.jpg

[Zythophilus]

Vt, suadet, uarios cibos edamus,
neu carnis nimium uoremus, acre,
quod corpus, regimen, salubre firmet.
Nescis, fabula quod uetus renarrat,
exemplum? Cecidit gulosus olim
hoc uictu periitque Minotaurus.

[Zythophilus]

Haec uia Romanae laudat legionis alaudam,

nec tenuere uiros haec loca, alauda, tuos.

https://blog.wienerlinien.at/wp-content ... nzeige.jpg

[Zythophilus]

Steyr.PNG (259.96 KiB) 866-mal betrachtet

Splendidiore foro uix urbs ornata sit ulla,

nec procul hinc Anisi labitur unda loquax.

Montibus e niueis aduoluitur amnis aquasque

accipit algentes, ut latice auctus eat.

Formosam plateam circumdant tecta superba,

arx saluere iubet celsa potensque domus.

Moenibus his uiridis nomen prouincia debet,

sed non sunt sita in his partibus illa tamen.

[Zythophilus]

Vt sint laeta, precor, uobis paschalia festa

et Dominus uitae gaudia reddat ouans.

Quem graue non tenuit saxum tumulusue cauatus,

quem mors post triduum desuperata timet,

e densis tenebris et nocte reuertitur Orci

et spem restituens ad supera arua redit.

[Zythophilus]

Exibant duo moenibus sodales,
ut tristes Domino suo necato
completam fugerent Dauidis urbem
uitarentque hilares fori cateruas.
His uir tertius additur duobus,
cuius nomen et ora nesciebant.
Causam tristitiae requirit ex his,
nam, cum conciderit redemptor orbis,
ignorare, quid ante sit peractum,
et mortem Domini boni uidetur.
Exstinctam subita magistri uterque
sic spem morte refert salutis auctam.
Haec cum uerba uiator utriusque
audibat, properans dies cubile
suasit quaerere, uti cibi darentur
et potus. Peregrinus est rogatus,
illic ut remaneret. Inde narrat,
cur sit morte redemptor acriore
affectus, biblicasque monstrat omnes
causas resque Deo uolente iusto
factas. Cum benedicta daps ab illo
sit, sunt tandem oculi virorum aperti,
et uidere, quis esset is comes, sed
hac euanuit ipse nec fuit iam.

[Zythophilus]

In puteum cecidit sapiens Milesius altum;

huic placuisse magis signa uidentur humo.

Rerum principium uir aquam qui dixerat, ipsi

finis aquae puteus denique paene fuit.

[Zythophilus]

Reginae periit uetus maritus,
qui semper minor est secutus illam:
Mutato ordine praebuit rebellem
se tandem moriensque dirigentem
uxorem superat prius Philippus.

[Zythophilus]

Regibus Aegypti danda est ceruisia facta;

pars etiam laticis magna tributa deis.

Rex uellem fieri, qua currit Nilus in aequor,

aut ibi, si liceat, maximus esse Deus.

https://www.worldin.news/38632/2021/02/ ... s-old.html

[medicus]

Rex uellem fieri, qua currit Nilus in aequor,
aut ibi, si liceat, maximus esse Deus.

Hoc in foro iam rex et deus poeticus es.

[Tiberis]

Praeses Ursula Turcum adit tyrannum
una cum Carolo , suo sodali.
Dictator Recep Erdogan , cum uterque
summa se reverentia salutet,
in sella Carolum iubet sedere,
ut mos est , posita propinque apud se.
At considere praesidem Unionis
in lecto iubet is remotiorem,
quod fortasse ibi feminis decori est.
Summisse Carolus tacens apertam
eius neglegit haesitationem.
En, a consociatione pulchra
nos cives regimur, si ipsi regentes
indulgent domini malignitati.

[mystica]

Ita Turcis mos est
feminas et vires una non sedere.
Ergo Turcorum mos nobis tolerandus est.
Si fueris Romae,
Romano vivito more;
si fueris alibi,
vivito sicut ibi.
Excitare fluctus in simpulo, ut dicitur.