Nugae

[Zythophilus]

Code: Alles auswählen

Sub ramis patulis num sentit glandifer arbor
 horrida radentem cortice terga suem?
Squalorem scabit hic et gaudet glandibus eius.
 Glandibus exesis foetida merda manet.


[consus]

Code: Alles auswählen

Sedate nunc, amici, controversias,
quibus ne nugae timeo tabescant brevi.

[Zythophilus]

Code: Alles auswählen

Sese errasse negat puer atque offenditur. Absit!
 Iudicat inuidiam nescius ipse suam.
Virtus atque animus tamen admiranda reuersi,
 qui capite assidue saxa ferire cupit.


[Sokrates Palaios]

O genus inritabile - idiotarum!

Code: Alles auswählen

Vae mihi in foro quid dixerit hic Platovetus,
 legere cum posset  stuporem Platonovi!

[Zythophilus]

Code: Alles auswählen

Nos hilares horas egisse uidemur in antro,
  Victor ubi nobis pocula laeta dabat.
An meminisse nequis, quantum potaueris illic,
 immemorique dolet - uae ! - tibi mane caput?
Carmina fiebant, ut semper cuncta fluebant;
 Musane tunc aderat uatibus ipsa fauens?
Scribere te assiduis temptat cogente querelis
 carmina tum Victor; scribit et arte dolet.
Continuo urgebas, dum distichon edidit ille -
 Bacchum discipulis constat adesse suis.
Sicilides Musae, furioso ignoscite uati,
 qui petit a cunctis uerba dicanda sibi.


[Zythophilus]

Code: Alles auswählen

Mille dicaturos alios sibi Alesius optans
 carmina uult uates continuoque petit.
Carmina qui nolunt componere, saepe petuntur
 nec referre puto, num malus insit odor.


[Zythophilus]

Code: Alles auswählen

Horrida bella metris magnis mandauit Homerus;
 rara tibi placuit, docte Catulle, Venus.
Commutata deis cecinisti corpora, Naso,
 quem pepulere domo Caesar et ars et amor.
Sunt Musae uariae, cum spirent numina uati
 cuique suum ingenium Musica resque suas.
Apta tibi inuenies certe metra. Quaerimus ex te,
 cur modo nunc de te scripta, Gerarde, petas.

[Zythophilus]

Code: Alles auswählen

Carmina cur nullus dare uult laudantia uates
 nec tam grata tibi scripta, Gerarde, dicat?
Zythophilus scribit, sed olent merdam metra equinam.
 Inuitis reliquis scripta tibi ipse dica!


[Zythophilus]

Code: Alles auswählen

Et custodit equos et uertit stercus equorum.
 Constat amare suos corde Gerardus equos.
Huic sunt uota tamen, pastori somnia magna:
 Custodire cupit lata per arua boues.


[Zythophilus]

Code: Alles auswählen

Nec taceo stabulum neque olens hic stercus equorum.
 Carmine erit medio lisque uirique labor.
Septima lux, statuit Deus, ut sit danda quieti,
 sed seruo requiem dura puella negat.
Vt curam eiciat petit amens dona Lyaeum,
 sed potare uetat - uae! - mera saeua uirum.
Pyxidas abscondit - num uiderit illa, requirit,
 ne cernat latebras poculaque illa, timens.
Gratia cui non est, cacat hinnit bestia mordet,
 assidueque tamen faenaque aquamque petit.
Qualis uita uiro, qui quondam uersibus omnes
 delectans animos mouit et arte leui.


[Zythophilus]

Code: Alles auswählen

Exilium insanis schola; utrum custodiam an ipse
 inscius hic tenear, rem dubiam esse puto.


[Zythophilus]

Code: Alles auswählen

Carmina, docte, tibi uersusque, Gerarde, dicari
 uis. Nolunt alii metra dicare tibi.
Vna tamen dare uult. Si scribere iusseris, edet.
 Cur tibi eam non uis scripta dicare probam?


[Zythophilus]

Code: Alles auswählen

Heu! mihi quaerenti Romam respondit iturum
 esse sacram Veneris se Petrus ante diem.
Nos absente Petro pacta potabimus hora,
 si tua consilium mens retinebit idem.
Tunc, sitis ut sit ei bene nota salusque, bibemus,
 et cibus, optantes, pinguis in urbe iuuet.


[Zythophilus]

Code: Alles auswählen

Pluribus – ecce – metris mihi res tractantur eaedem.
 Elige tu ex multis optima, amice, bonis.