Nugae

Quo in foro Latine colloquamur!

Moderatoren: Zythophilus, marcus03, Tiberis, ille ego qui, consus, e-latein: Team

De Petro Pragam licturo

Beitragvon Zythophilus » Do 30. Aug 2018, 15:40

Et dape Pragensi fruitur potuque sacerdos,
et quaeuis „Venias, Petre!“ taberna uocat.
Fundere caupones lacrimas mirabitur hospes,
cum se Vindobonam dixerit ire Petrus.
Vltimus huic dabitur tunc cantharus, ultima iura,
ultima anas bene olens, ultima crura suis.
„Petre, mane! Quid erit posthac tibi, Petre, ciborum?
Visne perire, miser, me pereunte simul?”
Sic lacrimaturos caupones nouimus omnes,
unus deinde sua sponte duoue cadent.
De Caroli firmo se ponte potentis in amnem
caupo proiciet, corpus ut unda uoret.
Zythophilus
Divi filius
 
Beiträge: 16841
Registriert: So 22. Jul 2007, 23:10
Wohnort: ad Vindobonam

Re: Nugae

Beitragvon Zythophilus » So 2. Sep 2018, 14:14

Vt uersus facias, opus poetae
est sudore: Caret quiete uates,
Stanislae, die studet nigraque
dextra nocte tenet stilum mouendum:
Hac uni dominae arte seruiendum est
et sic Melpomene colenda clara.
Primos difficile est modo fabrorum
uersus iungere et obsequi Camenae
ac legi metricae deaeque iussis.
„Apte ponitur hoc loco uocalis
an me ponere, Musa, consonantem
uis? Haec syllaba longa non uidetur,
sed fortasse – quis hoc scit? – est. Breuisne
illa est? Quomodo longa fiat ista,
dic! Elidere carmen omne malo.”
Zythophilus
Divi filius
 
Beiträge: 16841
Registriert: So 22. Jul 2007, 23:10
Wohnort: ad Vindobonam

Re: Nugae

Beitragvon Zythophilus » So 2. Sep 2018, 17:38

Cur uiuis canibus canis creatus
caelo sit melior, requiris, Anna.
Sculptus flectere cum canis rigentes
artus non ualeat, domi manebis
nec per prata canem sequens dolebis.
Num mordere potest? An ora durum,
seu sunt clausa labella, siue aperta,
signum fixa mouet? Nequit minari.
Nec latrare potest, ut fit, ex eadem
causa nec requies sonis fugatur.
Heus, nil effigies petit ciborum
et, si more canum cacare posset,
pro merda silices daret nocenti.
Zythophilus
Divi filius
 
Beiträge: 16841
Registriert: So 22. Jul 2007, 23:10
Wohnort: ad Vindobonam

Beitragvon consus » Mo 3. Sep 2018, 11:15

CONSVS ZYTHOPHILO
Dic mihi, num mordax sedeat tibi mente Molossus
Qui custos vigilat, Graecium, in arce tua.
Benutzeravatar
consus
Pater patriae
 
Beiträge: 14234
Registriert: Do 27. Jul 2006, 18:56
Wohnort: municipium cisrhenanum prope Geldubam situm

Re: Nugae

Beitragvon Zythophilus » So 9. Sep 2018, 15:38

Cur uis, docta, petam scholam, Camena?
Dat uictum schola, dat labor mihi iste
nummos, ut latices emam cibosque,
nec nobis pueri mali timentur,
uerum das meliora ferias agenti
uati, Musa, merum, lacum, puellas
scripturo, quibus aestus omnia urens
uestes abstulerit leuesque amictus.
Versus se celebrent uolunt uetusta
templa et carmina mons uidetur ultro
a me poscere. Pareo libenter.
Nec fons Bandusiae mihi canetur,
cum clament pueri, nec puella dulcis,
cum quaedam assidue puella poscat:
„Est latrina petenda. Debeo ire!“
Zythophilus
Divi filius
 
Beiträge: 16841
Registriert: So 22. Jul 2007, 23:10
Wohnort: ad Vindobonam

Re: Nugae

Beitragvon Zythophilus » Sa 22. Sep 2018, 17:34

Paruam fleuit auem Catullus olim:
Num te fata latent auis misellae?
Noli flere tamen, Neaera, mortem:
Passer mortuus est; peracta multa
iam sunt saecula: Nec poeta uiuit
et mors iam rapuit puellam amatam.
Zythophilus
Divi filius
 
Beiträge: 16841
Registriert: So 22. Jul 2007, 23:10
Wohnort: ad Vindobonam

Re: Nugae

Beitragvon Zythophilus » So 23. Sep 2018, 11:44

Dens felis uolucrem necauit acer,
cum circumsiliens sibi parantem
et mortem insidiasque nesciebat,
an granis periit ciboque pingui?
Mortis causa tacetur, ut requiram
frustra, cur ierit misellus, unde
nec passer nec homo potest redire,
nec flores lapidemue habet sepulcrum.
Zythophilus
Divi filius
 
Beiträge: 16841
Registriert: So 22. Jul 2007, 23:10
Wohnort: ad Vindobonam

Re: Nugae

Beitragvon Zythophilus » So 23. Sep 2018, 13:09

Passer mortuus est; tibi quoque hora
certa est ultima morsque te, Neaera,
poscit, siue bonam dedere Parcae
uitam, seu tribuere dura. Viue!
Zythophilus
Divi filius
 
Beiträge: 16841
Registriert: So 22. Jul 2007, 23:10
Wohnort: ad Vindobonam

Re: Nugae

Beitragvon Zythophilus » Mi 26. Sep 2018, 22:13

In Stephani magnis posita est haec magnifica ara
delubris, alio quae fuit ante loco.
Ecce uirum monstrat spectantem ficta fenestra.
Quaerite ter, quid agat! Dicet is inde „Nihil!“
Zythophilus
Divi filius
 
Beiträge: 16841
Registriert: So 22. Jul 2007, 23:10
Wohnort: ad Vindobonam

Re: Nugae

Beitragvon Zythophilus » Mi 3. Okt 2018, 20:35

Piscator cecidit labante lintre
nec iam reddidit unda saeua corpus.
Illi qui fuerant cibus uorandus,
pisces ipse iuuat cibus uorandus.
Zythophilus
Divi filius
 
Beiträge: 16841
Registriert: So 22. Jul 2007, 23:10
Wohnort: ad Vindobonam

Re: Nugae

Beitragvon Zythophilus » Do 11. Okt 2018, 16:10

Qua Sancto sita sunt Leonhardo templa sacrata
et uicum superant culmina celsa, moror.
Fama uetus narrat regem dormire sub altis
rupibus inque cauo monte latere diu.
Dic mihi, rex, in qua laticum sint plena cauerna
dolia, uti pro te Bacchica dona bibam


https://www.google.at/url?sa=i&rct=j&q= ... 3371676158
Zythophilus
Divi filius
 
Beiträge: 16841
Registriert: So 22. Jul 2007, 23:10
Wohnort: ad Vindobonam

Re: Nugae

Beitragvon Zythophilus » Di 16. Okt 2018, 22:33

Vt nox atra ferat per somnum somnia nobis
sitque animis, opto, corporibusque quies.
Zythophilus
Divi filius
 
Beiträge: 16841
Registriert: So 22. Jul 2007, 23:10
Wohnort: ad Vindobonam

Re: Nugae

Beitragvon Zythophilus » Mi 17. Okt 2018, 17:30

Esis uisceribus perit sciuri
uenator. Minima est uirum ferocem,
hoc, cum cocta foret, modo fera ulta.
https://www.servus.com/at/p/Mann-aß-Eichhörnchen-und-starb/SA002PAV/
Zythophilus
Divi filius
 
Beiträge: 16841
Registriert: So 22. Jul 2007, 23:10
Wohnort: ad Vindobonam

Re: Nugae

Beitragvon Zythophilus » Sa 20. Okt 2018, 16:49

Ad nos ex Asia dicunt insecta migrasse,
quae puer et canus nouit adesse senex.
Fertilius genus est, cupide cum saecla propaget,
nec fera nec uolucris foetida membra uorat.
Hortus et arbor habent iam plurima milia et herba
inque uiis et agris repere multa uides.
Qui careat, non est locus his animalibus ullus:
copia ubique errat, copia ubique uolat.
Dante manere foris autumno frigora non uult
inuaditque hominum turba molesta domos.
Quid facias? Metuens solet edere bestia odorem.
Inice latrinae corpora foeda tuae!

https://de.wikipedia.org/wiki/Marmorier ... _stali.JPG
Zythophilus
Divi filius
 
Beiträge: 16841
Registriert: So 22. Jul 2007, 23:10
Wohnort: ad Vindobonam

Re: Nugae

Beitragvon Zythophilus » Mo 29. Okt 2018, 15:56

Fortes afficiunt uiros honore
digno dantque uias iis Poloni!
His non inuenietur inter astra
et lunas populus magis benignus.
https://piwovader.files.wordpress.com/2 ... gMCwvKZoSA
Zythophilus
Divi filius
 
Beiträge: 16841
Registriert: So 22. Jul 2007, 23:10
Wohnort: ad Vindobonam

VorherigeNächste

Zurück zu Latine loquendi



Wer ist online?

Mitglieder in diesem Forum: 0 Mitglieder und 15 Gäste