Nugae

[marcus03]

Bavaris sibi persuaserunt cervisiam cibum verum et unicum esse.
Quomodo nisi cervisia illos alam, quibus cutis sit crassissima? Eodem liquore eos etiam lavare et purgare consuevi.
Ergo meum "elephantile" pete, quo in loco te optime habiturum puto. Odore elephantilis maxime delectaberis. Fac venias et olfacias!

[Zythophilus]

Qua fieri solum ceruisia pura iubetur,

lex elephantinum stercus inesse uetat.

[Zythophilus]

Quid culti tibi agunt elephanti, Marce? Cacantne?

Stercoris est certe copia magna et olet.

[marcus03]

Cacantne?

Illi cacant, ego coquo. Num sortes firmae meae comparare cupis? Quarum pretium augeri iam coepit.
Dum cacant, in dies divitior reddor. Pecuniam apud me collocasse te numquam paenitebit, etsi illi cacare olim desierunt: Quod ab illis non cacabitur, ipse cacabo. Crede mihi hoc: Cervisa ex cacato meo cocta etiam delicatior erit, maiore pretio vendetur tibique ipsi etiam magis placebit.
Ad hoc mihi persuasi elephantos eo melius cacaturos esse, quo saepius carmina tua eis recitassem.
Tua in opera quidem non cacant,quae maxime diligant, immo ad cacandum incitantur non ignari te cervisia nova valde delectari.
Tu ergo, felix Austriace, carmina compone, dum alii pro me teque cacare non desinunt.
Quid praeclarius nisi cacato divitem fieri - foetoris quidem immemorem?

[Zythophilus]

Ingentes stabulis elephantos eice, Marce,

et probibe stercus, Marce, fugaque feras!

Pro merda melius latici miscere coquendo,

fundere quod possis tu facile ipse, licet.

https://www.thrillist.com/news/nation/n ... cebook-869

[Zythophilus]

Muri stant, quamquam ceciderunt multa per annos,

necdum magna domus tota tempore ruit.

Turris adhuc duplex monet et mortalibus olim

culta piis memorat numina sancta Dei.

[Zythophilus]

Me tradam tenebrae uolunt quieti
et nox luce dari iubet fugata
molli languida membra nostra lecto.
Omnes ut bene dormiatis, opto
et det somnia gratiora Morpheus.

[Zythophilus]

Ardentes calidus demisit Iunius Idus

et reor aestatis laetus inisse dies.

Cautarumque parum cutis arida sole rubescit

et radiis urit bracchia, colla, genas.

Turba puellarum breuioribus usa theristris

nec pannis umerum crusque femurque tegit.

[Zythophilus]

Quam iam non sequeretur ulla, cenam
fidis discipulis parans Iesus
sese tradidit obsecutus ipse
firmauitque simul mero cruoris
passurus modo corporisque pane.

[Zythophilus]

Quem plerique perisse iam putarunt
aut terras petiisse clam remotas,
ut se sol et arena perfouerent
laxatosque lauaret unda salsa
artus et fluat humor in labella,
demum uiuere Vulpium uidemus.

[Zythophilus]

Haec uatis lacrimas amphora habere Nasonis

fertur, sed potius dulce putate merum.

[Zythophilus]

Fundamenta probant, ubi Danubii fluit unda,

Roma, diu ciues hic habitasse tuos.

Denique militibus depulsis Roma recessit,

tempore uti caderent omnia uique fera.

Quisquis adire paras Carnunti tecta, uiator,

haec aequata solo nosce latere in humo.

Castra uides thermasque etiam sunt amphitheathra,

si, quidquid fuerat, fingere mente potes.

[Zythophilus]

Mons Niueus petitur, summus conscenditur – ite! –,

repere qua pinus curua uidetur humi.

Non fisos pedibus fert ferrea raeda pigrosque,

montis ut ad culmen commodius sit iter.

[Exinterator]

Immanes habitant quoque eis in montibus ursi
Qui surrepta aliis furto ientacula mandunt

[Zythophilus]

Spiritus eripitur Cecropis mirantibus urbem:

Ars hunc eripiat, miror, odorne malus.

http://www.heute.at/welt/news/story/Pfu ... l-53048560