Nugae

[Zythophilus]

Horrida Germanis timidis quaesita leaena;

denique cognorunt: Quaeritur acer aper!

https://www.theguardian.com/world/2023/ ... -wild-boar

[Zythophilus]

Dissimiles ocreae, tumulo quis sit situs, edunt:

Noscitur his tumulus, claude Philippe, tuus.

[Zythophilus]

Tertia lux est iam patriis in partibus orta,

cum sunt Thessaliae rura relicta mihi.

Nec me iam retinet Thracia saeua moratum

nec, Penee, pedes clara tua unda lauat.

Nec bibitur nobis auidis ceruisia Graeca

nec lepida aspicio templa, theatra, domus.

[Zythophilus]

Cum Rhodos immensis uastata sit insula flammis,

prata nemusque furens deuorat ignis adhuc.

Iam fugiunt homines, ne perdat corpora flamma,

dum rapido pereunt igne furente domus.

Nunc dubito, mea enim commutat consilia ignis,

cum sit propositum mox mihi adire Rhodon.

https://static.independent.co.uk/2023/0 ... &auto=webp

[Zythophilus]

Christophorum dicunt Dominum portasse per undas.

Quomodo membra tulit corpore fictus homo?

[Zythophilus]

A nobis coleris, Mariae quae mater es, Anna,

atque auiam fecit te Domini illa parens.

www.zeno.org/Kunstwerke.images/I/323D03 ... =860227278

[Zythophilus]

Empta mihi nuper Macedonum uina bibuntur

atque haec confiteor uina placere mihi.

[Zythophilus]

Litore pro Rhodio patriis uersamur in aruis

proque maris liquidis decidit imber aquis.

[Zythophilus]

Pannoniam potius suaserunt otia adire,

cum nobis Rhodium flamma negasset iter.

In media Europa mitis non aestuat aestas,

cum uirides campos mulceat aura tepens.

https://wunderbarerbalaton.de/wp-conten ... on.hu_.jpg

[Zythophilus]

Quid manus haec nobis monstret, nescimus, aena,

quae statuae uerso corpore sola manet.

[Zythophilus]

Pannoniae stagnum debemus linquere magnum,

et calor his minimus – crede! – diebus erat.

Vos, pisces nitidi, quos continet unda, ualete!

Tu quoque dans calices grata taberna, uale!

[medicus]

quae statuae uerso corpore sola manet.

Ubi est corpus uersum?

[Zythophilus]

Corpus perisse arbitror.

[Zythophilus]

Mensis abire parat, iam sol est ultimus ortus:

Cras, Auguste, tuus, uiuide, mensis erit.

[Zythophilus]

Lydia discipulam est Christi se fessa Philippis:

Fratribus hanc Paulus consociauit aqua.